web counter
LEXO PA REKLAMA!

SHKARKO APP

App Store
Google Play

E fundit!

x

Tensione në Brazil/ Mbështetësit e ish-presidentit Bolsonaro sulmojnë Kongresin

8 Janar 2023, 21:29, Kosova & Bota CNA
Tensione në Brazil/ Mbështetësit e ish-presidentit Bolsonaro
Protestuesit në Brazil

Mbështetësit e ish-presidentit brazilian të ekstremit të djathtë, Jair Bolsonaro kanë sulmuar Kongresin dhe Gjykatën e Lartë dhe kanë rrethuar pallatin presidencial.

Skenat dramatike vijnë një javë pas marrjes së pushtetit nga Luiz Inacio Lula da Silva.

BBC raporton se mbështetësit e Bolsonaros, të cilët refuzojnë të pranojnë se ai humbi zgjedhjet, thyen barrierat e policisë në kryeqytetin, Brazilia.

Policia përdori gaz lotsjellës, por nuk arriti t'i zmbrapsë demonstruesit.

Tensione në Brazil/ Mbështetësit e ish-presidentit Bolsonaro

Protestuesit kanë thyer xhamat, ndërsa të tjerë hynë në dhomën e Senatit. Është e paqartë nëse ata janë ende në ndërtesë.

Mbështetësit e Bolsonaros po bëjnë thirrje për ndërhyrje ushtarake dhe dorëheqjen e da Silvas.

Shumë prej tyre krijuan kampe në qytete anembanë Brazilit, disa prej tyre jashtë kazermave ushtarake. Kjo pasi mbështetësit e tij më të zjarrtë duan që ushtria të ndërhyjë dhe të përsëriten zgjedhjet me pretendimin se ato të tetorit janë vjedhur.

Lula da Silva aktualisht është në një udhëtim zyrtar në shtetin e Sao Paulos. Në fjalimin e mbajtur në ceremoninë e përurimit, ai u zotua të rindërtojë vendin. Lula da Silva dënoi politikat e paraardhësit të tij, i cili shkoi në SHBA për të shmangur ceremoninë e dorëzimit./ B.A. – CNA.al





Lajmet e fundit nga