web counter
LEXO PA REKLAMA!

SHKARKO APP

App Store
Google Play

E fundit!

x

Takimi me shefin e NATO-s / Zelensky: Ende herët për të thënë se kush do të ofrojë trupa për Ukrainën

22 Gusht 2025, 18:53, Kosova & Bota CNA

Takimi me shefin e NATO-s / Zelensky: Ende herët për të

Presidenti ukrainas Volodymyr Zelensky u takua këtë të premte me Sekretarin e Përgjithshëm të NATO-s, Mark Rutte, i cili mbërriti sot në Kiev për një vizitë të papritur.

"Është ende shumë herët për të thënë se kush mund të ofrojë trupa, kush do të kontribuojë me inteligjencë, kush do të jetë i pranishëm në det dhe kush në ajër",-tha Zelensky.

Vizita e Rutte vjen disa ditë pas një takimi të nivelit të lartë në Uashington midis Zelensky-t, presidentit të SHBA-së Donald Trump dhe partnerëve evropianë që synonin sigurimin e garancive të sigurisë për Ukrainën.

Sipas shefit të NATO-s, marrëveshja e garancive të sigurisë do të përbëhet nga dy shtresa: forcimi i ushtrisë së Ukrainës dhe angazhimet nga SHBA-të dhe Evropa që synojnë pengimin e Rusisë në rast të një agresioni të ardhshëm.

Bloomberg raportoi se paketa e garancive të sigurisë për Ukrainën mund të finalizohet këtë javë. Zyrtarët evropianë thuhet se kanë diskutuar dërgimin e trupave britanike dhe franceze në Ukrainë, së bashku me kontingjente nga afërsisht 10 vende të tjera./CNA





Lajmet e fundit nga