web counter
LEXO PA REKLAMA!

SHKARKO APP

App Store
Google Play

Presion për fajdet me kamatë/ Arrestohen 2 persona në Prishtinë

20 Gusht 2025, 21:44, Kosova & Bota CNA

Presion për fajdet me kamatë/ Arrestohen 2 persona në

Policia e Kosovës, pas zhvillimit të veprimeve hetimore ne bashkëpunim me PTH-Prishtinë, ka realizuar sot operacionin policor nën dyshimin për veprën penale ‘’Fajde’’ ku ka arrestuar personat e dyshuar B.F., (1977) A.F., (1986). 

Të dyshuarit me veprimet e tyre në vazhdimësi kanë detyruar denoncuesin të paguajë shuma të ndryshme të parave si interes për fajde, po ashtu në emër të kamatave të fajdesë përmes formave të ndryshme të presionit kanë kërkuar nga viktima marrjen e njësive banesore që janë në ndërtim ku shtetasi është pronar i tyre.

I dyshuari B.F., është arrestuar ne flagrancë duke i pranuar paratë si interes nga fajdeja, ndërsa i dyshuari A.F. është arrestuar në vendbanimin e tij, kurse i dyshuari B.B., nuk është hasur në shtëpinë e tij, të njëjtit i është lënë ftesë për paraqitje në polici.

Me urdhëresë nga gjykata janë kontrolluar tri vendbanimet e të dyshuarve me ç ’rast janë gjetur dhe sekuestruar dëshmi materiale të cilat do të përdoren në procedurën penale ndaj të dyshuarve.

Ndaj dy të dyshuarve B.F., A.F., Prokurori i Shtetit PTH-Prishtinë ka lëshuar aktvendim për ndalim./CNA





Lajmet e fundit nga