web counter
LEXO PA REKLAMA!

SHKARKO APP

App Store
Google Play

E fundit!

x

Si u mbajt e fshehtë vizita e papritur e Biden në Ukrainë

20 Shkurt 2023, 19:21, Kosova & Bota CNA

Si u mbajt e fshehtë vizita e papritur e Biden në Ukrainë

Ditën e sotme presidenti i SHBA, Joe Biden ka kryer një vizitë të papritur në kryqytetin e Ukrainës, Kievin.

Vet zyrtarët e Shtëpisë së Bardhë e përshkruajnë vizitën e Biden sit ë papritur dhe të paprecendtë pasi u shfaq në një zonë lufte.

Vizita e tij i ka befasuar të gjithë edhe pse më parë ishte folur se Biden mund të planifikonte një udhëtim në Ukrainë ndërsa ishte në Poloni.

Në një foto Bisden është shfaqur pranë Zelenskyt nën tingujn e

“Ishte e rrezikshme dhe nuk duhet të linte asnjë dyshim se Joe Biden mund të shkonte në Ukrainë”, tha drejtoresha e komunikimit e Shtëpisë së Bardhë, Kate Bedingfield.

Biden kishte planifikuar të fluturonte nga SHBA në Varshavë të hënën në mbrëmje, për një udhëtim dy-ditor.

Orari i parashikuar kishte dy orë boshe të cilat hodhen hije dyshimi se mund të ishte koha kur ai do të shkonte në Ukrainë. Vendimi për të udhëtuar në Kiev u mor të premten.

Të dielën, orari zyrtar i Shtëpisë së Bardhë tregonte se presidenti nisej për në Varshavë në orën 19:00 EST (00:00 GMT) të hënën në mbrëmje. Në fakt, Air Force One u ngrit në orën 04:15 EST të dielën në mëngjes.

Vetëm dy gazetarë u lejuan të udhëtonin me presidentin. Ata ishin betuar për fshehtësi, iu morën celularët dhe nuk u lejuan të raportojnë vizitën deri në momentin që Biden do të mbërrinte në Kiev.

Presidenti Biden kaloi mbi 10 orë në një tren për të shkuar në Kiev. Ai mund të kishte vizituar vende të tjera brenda Ukrainës që do të kishte qenë më e lehtë për t’u arritur, por ai donte ta bënte vetë udhëtimin simbolik në Kiev.

Rusia u njoftua për udhëtimin disa orë para nisjes së zotit Biden, sipas këshilltarit amerikan për sigurinë kombëtare, Jake Sullivan.

Ndërsa udhëtimi i presidentit është një sinjal për Moskën për angazhimin e administratës Biden për të ndihmuar Ukrainën, ai është gjithashtu një demonstrim për votuesit amerikanë./CNA.al

 





Lajmet e fundit nga