web counter
LEXO PA REKLAMA!

SHKARKO APP

App Store
Google Play

E fundit!

x

Shtëpia e Bardhë: SHBA-ja po diskuton mundësitë për të blerë Groenlandën, përfshirë përdorimin e ushtrisë

7 Janar 2026, 08:18, Kosova & Bota CNA

Shtëpia e Bardhë: SHBA-ja po diskuton mundësitë për

Shtëpia e Bardhë ka bërë me dije se Presidenti i SHBA-së, Donald Trump, ka diskutuar një sërë opsionesh për të blerë Groenlandën, përfshirë përdorimin e ushtrisë.

Shtëpia e Bardhë tha për "BBC" se blerja e Groenlandës, një rajon gjysmëautonom i Danimarkës, një anëtare tjetër e NATO-s, ishte një prioritet i sigurisë kombëtare.

Deklarata erdhi disa orë pasi udhëheqësit europianë lëshuan një deklaratë të përbashkët duke mbështetur Danimarkën, e cila ka kundërshtuar ambiciet e Trump-it për ishullin Arktik.

Trump përsëriti gjatë fundjavës se SHBA-ja kishte nevojë për Groenlandën për arsye sigurie, duke bërë që kryeministren daneze Mette Frederiksen të paralajmëronte se çdo sulm nga SHBA-ja do të shënonte fundin e NATO-s.

Shtëpia e Bardhë tha të martën: “Presidenti dhe ekipi i tij po diskutojnë një sërë opsionesh për të ndjekur këtë qëllim të rëndësishëm të politikës së jashtme dhe sigurisht, përdorimi i ushtrisë amerikane është gjithmonë një opsion në dispozicion të Komandantit të Përgjithshëm.”

NATO është një grup ushtarak transatlantik ku aleatët pritet të ndihmojnë njëri-tjetrin në rast sulmesh të jashtme. Të martën, gjashtë aleatë evropianë shprehën mbështetje për Danimarkën.

“Grenlanda i përket popullit të saj dhe vetëm Danimarka dhe Grenlanda mund të vendosin për çështjet që kanë të bëjnë me marrëdhëniet e tyre”, thanë në një deklaratë të përbashkët udhëheqësit e Mbretërisë së Bashkuar, Francës, Gjermanisë, Italisë, Polonisë, Spanjës dhe Danimarkës.

Duke theksuar se ishin po aq të interesuar sa SHBA-ja për sigurinë në Arktik, nënshkruesit evropianë të deklaratës së përbashkët thanë se kjo duhet të arrihet nga aleatët e NATO-s, përfshirë SHBA-në, kolektivisht.

Ata gjithashtu bënë thirrje për mbrojtjen e parimeve të Kartës së OKB-së, duke përfshirë sovranitetin, integritetin territorial dhe paprekshmërinë e kufijve./ CNA





Lajmet e fundit nga