web counter
LEXO PA REKLAMA!

SHKARKO APP

App Store
Google Play

Shtëpia e Bardhë: Mirëpresim vendimin e Kanadasë për të hequr kundër-tarifat prej 25%

22 Gusht 2025, 22:13, Kosova & Bota CNA

Shtëpia e Bardhë: Mirëpresim vendimin e Kanadasë për

Shtëpia e Bardhë tha të premten se mirëpret qëllimin e Kanadasë për të hequr një pjesë të madhe të kundër-tarifave të saj mbi mallrat amerikane, si një gjest vullneti të mirë që synon rifillimin e bisedimeve të ngecura tregtare.

"Ne mirëpresim këtë veprim të vonuar nga Kanadaja. Presim me padurim të vazhdojmë diskutimet tona me Kanadanë mbi çështjet tregtare dhe të sigurisë kombëtare që shqetësojnë administratën",- tha një zyrtar i Shtëpisë së Bardhë.

Kanadaja hoqi shumë nga kundër-tarifat e saj ndaj SHBA-së të premten, duke shënuar një hap të rëndësishëm përpara në marrëdhëniet midis dy vendeve.

“Kanadaja në mars vendosi kundër-tarifa prej 25% në një listë të gjatë produktesh amerikane që janë në përputhje me marrëveshjen tregtare të Amerikës së Veriut, pasi SHBA-të kishin njoftuar tarifa prej 25% për çelikun dhe aluminin. Veçanërisht, tarifat prej 25% të Kanadasë për automjetet, çelikun dhe aluminin e SHBA-së do të mbeten në fuqi për momentin”,-tha kryeministri kanadez Mark Carney në një konferencë për shtyp të premten.

Ndryshimi do të hyjë në fuqi më 1 shtator, shtoi Carney, duke thënë se beson që Kanadaja ka marrëveshjen më të mirë tregtare nga të gjitha vendet që punojnë me SHBA-në./CNA





Lajmet e fundit nga