“Shqetësimi është serioz”/Gazetarit i hapin adresë false elektronike, e përdorin për marrje informacioni

5 Tetor 2023, 18:42, Kosova & Bota CNA

“Shqetësimi është serioz”/Gazetarit i hapin

Gazetari Armand Bajram

Gazetari Armand Bajram është gjendur së fundmi në një situatë problematike.

Ai tregon se një person i paautorizuar ka hapur një adresë false elektronike me emrin dhe mbiemrin e tij dhe po e përpdor adresën për të dërguar kërkesa për informacion pranë institucioneve të ndryshme të drejtësisë.

Bajrami thotë se ky është një plan gati perfekt me qëllime të paqarta.

Sips tij shqetësimi është serioz, pasi ky person përmes adresës së falsifikuar, mund të komunikojë me persona apo institucione të tjerë, nën emrin e tij, apo të televizionit ku ai punon A2CNN, duke e vendosur në situata të paqena, ndoshta edhe penale.

Gazetari bën me dije se ka njoftuar autoritetet përkatëse dhe kërkon nga që kushdo të mos marrë në konsideratë mesazhe që mund të vijnë nga adresa [email protected], edhe pse shoqërohet me kartën e tij të identitetit.

Postimi i plotë i gazetarit në rrjete sociale:

VËMENDJE!

Prej disa javësh një person i paautorizuar ka hapur një adresë false elektronike me emrin dhe mbiemrin tim nga nje domain në të cilin nuk kam llogari, [email protected].

Ai po e përdor këtë për të dërguar kërkesa për informacion pranë institucioneve të ndryshme të drejtësisë.

Në mailet ku pretendon të jetë Armand Bajrami, gazetar në A2CNN, bashkangjit një fotokopje të ID-së sime, që nuk e di si e ka siguruar, numrin tim të telefonit si edhe adresen zyrtare të televizionit #A2CNN ku unë punoj.

Një plan gati perfekt me qëllime të paqarta.

Pasi u njoha me këto episode, me shqetësim kam nxituar të bëj kallëzim penal pranë Prokurorisë së Tiranës dhe asaj të Elbasanit, territore në të cilat kanë mbërritur emailet.

Kopjen e kartës sime të identitetit e kam lënë vetem ne institucione publike apo private, ku (ne parim dhe sipas ligjit) duhet të më mbrohen të dhenat personale.

Shqetësimi është serioz, pasi ky person përmes adresës së falsifikuar, mund të komunikojë me persona apo institucione të tjerë, nën emrin tim, apo të televizionit A2CNN, duke me vendosur në situata të paqena, ndoshta edhe penale.

Teksa besoj që autoritetet ku kam adresuar shqetesimin do ta bëjnë punën e tyre, i lutem kujtdo që më ndjek këtu, të mos marrë në konsideratë mesazhe që mund të vijnë nga adresa [email protected], edhe pse shoqërohet me kartën time të identitetit. Ju falenderoj!/ CNA