web counter
LEXO PA REKLAMA!

SHKARKO APP

App Store
Google Play

Kryeministri britanik, presion Vuçiçit për agresionin në Kosovë

5 Tetor 2023, 13:25, Kosova & Bota CNA
Kryeministri britanik, presion Vuçiçit për agresionin në
Aleksandër Vuçiç dhe Rishi Sunak

Kryeministri i Britanisë së Madhe, Rishi Sunak, pritet që t'i bëjë presion Serbisë pas agresionit ndaj Kosovës.

Qeveria Britanike njofton se Sunak gjatë samitit të Komunitetit Politik Evropian (EPC) në Granada të Spanjës, do të ketë takime me shumë liderë të tjerë evropianë, ku si temë diskutimi do ta ketë situatën e fundit në Kosovë.

Në njoftim theksohet se kryeministri britanik pritet t’i bëjë presion Serbisë për t’u siguruar se ata që qëndrojnë prapa sulmeve të fundit ndaj policëve të Kosovës do të përballen me drejtësinë. 

“Në takimet me një varg liderësh, kryeministri do të theksojë edhe përkushtimin e Mbretërisë së Bashkuar për siguri më të gjerë evropiane, përfshirë reagimin ndaj situatës në Kosovë dhe në Nagorno-Karabakh. MB-ja këtë javë ka dërguar 600 trupa britanikë për të përforcuar misionin e NATO-s në Kosovë, dhe Kryeministri pritet t’i bëjë presion Serbisë për t’u siguruar se ata që qëndrojnë prapa sulmeve të fundit ndaj policëve të Kosovës do të përballen me drejtësinë”, thuhet në njoftimin e qeverisë britanike.

Pritet që kryeministri britanik do t’i nxisë liderët të bashkojnë forcat për të mbrojtur kufijtë e Evropës nga bandat kriminale dhe për të përballuar agresionin rus, në takimin e Komunitetit Politik Evropian [EPC]./CNA

 

 





Lajmet e fundit nga