web counter
LEXO PA REKLAMA!

SHKARKO APP

App Store
Google Play

Intervista e Vuçiçit për "CNN"/ Brnabiç: Tregoi presionet ndaj Serbisë, ai reagon me maturi

4 Tetor 2023, 16:07, Kosova & Bota CNA
Intervista e Vuçiçit për "CNN"/ Brnabiç:
Kryeministrja e Serbisë, Ana Brnabiç

Kryeministrja e Serbisë, Ana Brnabiç, me rastin e intervistës së presidentit të Serbisë, Aleksandar Vuçiç për "CNN", ka thënë se ai tregon presionet ndaj Serbisë. 

"Dhe se si ai reagon emocionalisht, me maturi dhe guxim, përgjigjet dhe shpjegon në një moment kur dikush tjetër do të humbte qetësinë dhe korrektësinë politike," tha Brnabiç për "TV Prva". 

Sipas Brnabiç nuk ka dallim mes asaj që thotë opozita në Beograd dhe asaj që thotë Prishtina.

“Unë do të thosha se Prishtina dhe mediat e Prishtinës do të ishin krenare nëse do të raportonin siç raportojnë mediat në Beograd”, theksoi Brnabiç. 

Brnabiç tha se Serbia është në një situatë të vështirë. 

“Askush nga ne nuk e justifikon vrasjen e askujt, vrasjen e një polici shqiptar të të ashtuquajturës polici të Kosovës, por nëse ndodh diçka, nëse serbët reagojnë në çfarëdo mënyre, Beogradi dhe autoritetet akuzohen si fajtorë për agresion dhe sulm”, shpjegoi kryeministri. 

Duke komentuar situatën aktuale në Banjska, Brnabiç tha se askush nuk po reagon ndaj poshtërimit të popullit serb në Kosovë dhe Metohi. 

Ajo ka thënë se opozita në Serbi dhe disa media thonë se fajtori është Vuçiçi, edhe pse ai ka vite që lutet për paqe dhe stabilitet. 

"Ku është Albin Kurti? Kurti dhe Prishtina arrestojnë serbët pa urdhër dhe pa shpjegime dhe lejojnë qëllimin e fëmijëve serbë dhe se ai që i qëllon nuk është në burg, as në paraburgim", tha Brnabiç./ CNA





Lajmet e fundit nga