web counter
LEXO PA REKLAMA!

SHKARKO APP

App Store
Google Play

Shirat e rrëmbyeshëm në Kaliforni shkaktojnë përmbytje dhe rrëshqitje dherash/ Humbin jetën tre persona

26 Dhjetor 2025, 09:45, Kosova & Bota CNA

Shirat e rrëmbyeshëm në Kaliforni shkaktojnë përmbytje

Shirat e rrëmbyeshëm kanë shkaktuar përmbytje dhe rrëshqitje në shumë pjesë të Kalifornisë. Si pasojë deri tani kanë humbur jetën tre persona.

Stuhitë, të cilat pritet të vazhdojnë edhe gjatë ditës së sotme sollën 27 cm reshje shiu në disa pjesë të Qarkut të Los Angeles, duke shkaktuar evakuime dhe duke mbyllur rrugët kryesore.

Ekipet e ndihmës së shpejtë kanë kryer disa operacione shpëtimi, përfshirë edhe nxjerrjen e njerëzve të bllokuar në automjete ndërsa niveli i ujit nga përmbytjet rritet. Guvernatori i Kalifornisë, Gavin Newsom, shpalli gjendje të jashtëzakonshme të mërkurën në Los Angeles dhe qarqe të tjera të Kalifornisë jugore.

Rreth 100,000 njerëz në shtet ishin pa energji elektrike që nga mbrëmja e së enjtes. Paralajmërime evakuimi ishin po ashtu në fuqi për disa banorë të Qarkut San Bernardino në Kalifornian jugore. 

Kryetarja e bashkisë së Los Anxhelosit, Karen Bass, ka shpallur gjithashtu gjendje të jashtëzakonshme për shkak të stuhive dhe i ka paralajmëruar banorët të jenë të kujdesshëm në rrugë gjatë kohës së udhëtimeve të ngarkuara për festat.

"Po u bëj thirrje të gjithë banorëve të Los Angeles të qëndrojnë të sigurt dhe të jenë jashtëzakonisht të kujdesshëm në rrugë nëse duhet patjetër të udhëtojnë", u shpreh ajo në një deklaratë. /CNA





Lajmet e fundit nga