web counter
LEXO PA REKLAMA!

SHKARKO APP

App Store
Google Play

E fundit!

x

SHBA: Kina po bëhet gjithnjë e më agresive në Paqësor

25 Korrik 2022, 11:33, Kosova & Bota CNA

SHBA: Kina po bëhet gjithnjë e më agresive në Paqësor

Mark Milley, shefi i Shtabit të SHBA-së, analizoi vitet e fundit kur janë rritur përplasjet e anijeve kineze me ato të SHBA-së dhe të aleatëve. SHBA-ja po rrit praninë në Paqësor.

Sipas Shteteve të Bashkuara të Amerikës, ushtria kineze po bëhet gjithnjë e më agresive. Shefi i Shtabit të SHBA-së, Mark Milley, tha se numri i rasteve në të cilat aeroplanët dhe anijet e Republikës Popullore, për shembull, u pengojnë rrugën Shteteve të Bashkuara dhe aleatëve të saj në Paqësor ishte rritur ndjeshëm.

Milley iu referua pesë viteve të fundit. Ai theksoi gjithashtu se Shtetet e Bashkuara të Amerikës po përpiqeshin të zhvillonin marrëdhëniet e tyre me shtetet e Paqësorit për të kundërpeshuar Pekinin. Vende si Indonezia duan që ushtria amerikane të jetë e pranishme në rajon. Shefi i Shtabit të SHBA-së është aktualisht në turne në rajonin e Indo-Paqësorit.

SHBA: Kina po bëhet gjithnjë e më agresive në Paqësor

Baerbock: Shqetësim për paralajmërimet për pushtimin e mundshëm të Tajvanit

Në intervistën e javës të radios kombëtare gjermane "Deutschlandfunk", ministrja e Jashtme gjermane, Annalena Baerbock, u shpreh e alarmuar për paralajmërimet e shërbimeve të fshehta perëndimore për një pushtim të mundshëm të Tajvanit nga Kina. Prandaj ajo bëri thirrje për reduktimin e varësisë ekonomike nga Kina. "Ne nuk duhet të bëjmë të njëjtin gabim përsëri," tha politikania e Gjelbër, duke iu referuar mbështetjes në furnizimet ruse me energji./DW





Lajmet e fundit nga