web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 2 kg kokainë në pikën kufitare të Merdares/ Si u zbulua lënda narkotike

2 Shkurt 2026, 22:42, Kosova & Bota CNA

Sekuestrohen 2 kg kokainë në pikën kufitare të Merdares/ Si

Dy kilogramë lëndë narkotike janë kapur ditën e sotme në pikën kufitare të Merdares në Kosovë. Sipas njoftimit të policia, dy kilogramët e dyshuar kokainë u gjetën të fshehura në mënyrë të sofistikuar brenda një automjeti që u ndalua në hyrje të territorit të Kosovës.

Për kontrollin e thelluar të automjetit është përdorur edhe skaneri X-ray, që ka mundësuar lokalizimin e saktë të vendit ku ishte fshehur lënda narkotike.

Njoftimi i policisë:

Dogana dhe Policia e Kosovës zbulojnë rreth dy kilogram narkotikë

Sot, më datë 02.02.2026, në Pikëkalimin Kufitar Merdare, zyrtarët e Doganës së Kosovës, në koordinim të ngushtë me Policinë e Kosovës - Drejtorinë për Hetimin e Trafikimit të Narkotikëve, kanë realizuar një kontroll të detajuar ndaj një automjeti të dyshuar në hyrje të territorit të Republikës së Kosovës.

Gjatë kontrollit të detajuar, janë zbuluar të fshehura rreth 2 (dy) kilogramë lëndë narkotike, për të cilën dyshohet se është kokainë. Substanca ishte e fshehur në mënyrë të sofistikuar brenda automjetit.

Për realizimin e kontrollit të thelluar është përdorur edhe skaneri X-ray, donacion i Shteteve të Bashkuara të Amerikës, pajisje e cila ka lehtësuar ndjeshëm punën e zyrtarëve dhe ka mundësuar lokalizimin e saktë të vendit ku ishte fshehur lënda narkotike.

Rasti është duke u trajtuar nga organet kompetente, ndërsa ndaj personave të përfshirë do të ndërmerren veprimet e mëtejme ligjore, në përputhje me legjislacionin në fuqi.

Dogana e Kosovës dhe Policia e Kosovës mbeten të përkushtuara në luftën kundër krimit të organizuar dhe trafikimit të narkotikëve, përmes bashkëpunimit të ngushtë ndërinstitucional, shkëmbimit të inteligjencës dhe përdorimit të kapaciteteve moderne teknike, me qëllim parandalimin e veprimtarive ilegale dhe garantimin e sigurisë së qytetarëve dhe të kufijve të Republikës së Kosovës. /CNA





Lajmet e fundit nga