web counter
LEXO PA REKLAMA!

SHKARKO APP

App Store
Google Play

E fundit!

x

Akuza për korrupsion/ Ish-ministri kinez i Drejtësisë dënohet me burgim të përjetshëm

2 Shkurt 2026, 16:04, Kosova & Bota CNA

Akuza për korrupsion/ Ish-ministri kinez i Drejtësisë

Ish-ministri kinez i Drejtësisë, Tang Yijun, është dënuar me burgim të përjetshëm. Vendimi u mor nga një gjykatë në Xiamen, në provincën juglindore Fujian.

Sipas gjykatës, Tang ka përfituar në mënyrë të paligjshme pronë me vlerë më shumë se 137 milionë juanë (rreth 19.71 milionë dollarë) midis viteve 2006 dhe 2022, duke përdorur pozicionin e tij publik për të përfitime.

Gjykata tha se ai abuzoi me pushtetin e tij në çështje që përfshijnë listat e kompanive, blerjet e tokës, kreditë bankare dhe trajtimin e çështjeve gjyqësore.

Ish-ministrit iu ndalua gjithashtu e drejta për përfshirje në politike dhe e gjithë prona e tij personale u konfiskua. Dënimi është pjesë e një goditjeje kundër korrupsionit nga presidenti kinez Xi Jinping. 

Agjencia kineze kundër korrupsionit njoftoi së fundmi se kishte hapur një hetim ndaj Wang Xiangxi, ministrit të menaxhimit të emergjencave të vendit, në një nga rastet e rralla të një ministri në detyrë që hetohet. /CNA





Lajmet e fundit nga