web counter
LEXO PA REKLAMA!

SHKARKO APP

App Store
Google Play

Rritet numri i viktimave nga tragjedia në Hong Kong/ 279 persona ende të bllokuar në ndërtesat që vijojnë të digjen

26 Nëntor 2025, 20:02, Kosova & Bota CNA

Rritet numri i viktimave nga tragjedia në Hong Kong/ 279 persona ende

Ka shkuar në 36 numri i personave që kanë humbur jetën nga zjarri që u përhap në një kompleks banesash në Hong Kong. Shtatë nga tetë ndërtesat e kompleksit, ku banojnë një numër i madh banorësh, raportohet se janë ende në flakë.

Mediat e huaja shkruajnë se zjarrfikësit ende nuk janë në gjendje të arrijnë të kontaktojnë me 279 banorë të bllokuar në katet e sipërme. Ndërkohë, 29 persona janë të shtruar në spital, shtatë prej të cilëve në gjendje kritike, kanë bërë me dije zyrtarët.

Ky është cilësuar si zjarri më vdekjeprurës në Hong Kong në gati tre dekada. Udhëheqësi i Hong Kongut, John Lee, i cili e cilësoi ngjarjen si një katastrofë, tha në një deklaratëse rreth 900 banorë të prekur nga zjarri kanë kërkuar të vendosen në strehimore të përkohshme.

Policia ka ngritur një grup pune për të hetuar shkakun e zjarrit, tha Lee, duke shtuar se autoritetet do të hetojnë nëse shtresat mbrojtëse që u përdorën për të mbrojtur ndërtesat gjatë një rinovimi të kohëve të fundit ishin në përputhje me standardet e sigurisë nga zjarri. /CNA





Lajmet e fundit nga