web counter
LEXO PA REKLAMA!

SHKARKO APP

App Store
Google Play

Papa Leo XIV niset nesër drejt Turqisë/ Takim privat me presidentin Erdogan dhe autoritete të larta

26 Nëntor 2025, 15:32, Kosova & Bota CNA

Papa Leo XIV niset nesër drejt Turqisë/ Takim privat me presidentin

Papa Leo XIV po bëhet gati për udhëtim, pasi nesër rreth mesditës është parashikuar të mbërrijë në Turqi, një vizitë të njoftuar më parë nga Vatikani.

Papa do të takohet privatisht me Presidentin turk Rexhep Tajip Erdogan, përpara se t'u drejtohet autoriteteve turke.

Të premten, në Nikea, Izniku i sotëm, Papa do të marrë pjesë në një shërbesë lutjeje ekumenike që shënon 1700-vjetorin e Këshillit të parë Ekumenik.

Të shtunën, Papa do të kremtojë Meshën në Volkswagen Arena të Stambollit përpara se të udhëtojë të dielën për në Liban. Atje, ai do të takohet me grupe, duke përfshirë autoritetet lokale, udhëheqësit e Kishës, përfaqësuesit e feve të tjera dhe të rinjtë.

Duke folur për mediat përpara udhëtimit të Papës, Sekretari i Shtetit i Selisë së Shenjtë, Kardinali Pietro Parolin, tha se Turqia ishte një djep i Krishterimit, ku lindën komunitetet e para.

“Këshilli i Nikeas hodhi themelet e besimit tonë: besimin në Jezu Krishtin si plotësisht hyjnor dhe plotësisht njerëzor theksoi Kardinali”,-tha Kardinali.

Kardinali Parolin theksoi gjithashtu rëndësinë e vizitës së Papës në Liban, e cila, tha ai, ka bërë njëfarë përparimi në zgjidhjen e krizës që e ka prekur vendin vitet e fundit.

Në këtë kontekst, sugjeroi Kardinali, mesazhi i Papës do të ishte inkurajues dhe një ftesë për të vazhduar e për të pasur guxim./CNA





Lajmet e fundit nga