web counter
LEXO PA REKLAMA!

SHKARKO APP

App Store
Google Play

Ndarja nga jeta e Shpat Kasapit/ Albin Kurti, mesazh ngushëllimi familjes së këngëtarit

26 Nëntor 2025, 15:40, Kosova & Bota CNA

Ndarja nga jeta e Shpat Kasapit/ Albin Kurti, mesazh ngushëllimi familjes

Kryeministri në detyrë i Kosovës, Albin Kurti, i ka dërguar telegram ngushëllimi familjes së këngëtarit Shpat Kasapi, për ndarjen e tij nga jeta.

Kurti shprehet se humbja e tij ka prekur të gjithë pavarësisht profesioneve ose gjeneratave, ndërsa e ka cilësuar si një person punëtor dhe plot me energji.

Ai shton më tej se muzika e Shpat Kasapit ka arritur të bashkojë shqiptarët në të gjithë botën.

Mesazhi i plotë:

E nderuar familja Kasapi

Me zemër të rënduar pranova lajmin për ndarjen nga jeta të Shpatit. Një ikje e tillë, e papritur dhe e parakohshme, dhemb shumë dhe vjen si e padrejtë. Tingëllon edhe e pavërtetë, aq i ri ishte dhe gjithë atë energji e mbante dhe e rrezatonte.

Humbja e tij na ka prekur të gjithëve, pa marrë parasysh profesionet apo gjeneratat. Shumë breza të pasluftës janë rritur me figurën e tij dhe këngët emblematike. Ai ka mbajtur një vend të veçantë në zemrat e të gjithëve si një djalë punëtor, i qeshur, dhe mbi të gjitha, shumë karizmatik. Komuniteti artistik ka humbur njërin nga figurat më të dashura të tij, sepse secili prej tyre ka vetëm fjalë të mira për Shpatin. Muzika e tij ka arritur të bashkojë shqiptarë gjithandej botës, por më së shumti ka bashkuar shqiptarët e Kosovës e të Luginës, Maqedonisë së Veriut dhe Shqipërisë. Ky kontribut i tij do të mbetet përherë i pashlyeshëm.

Ngushëllime gjithë familjes Kasapi, komunitetit artistik, miqve dhe bashkëpunëtorëve të tij. Ngushëllime zonjës Gjylymser, zonjës Selvije dhe djalit Roel. Zoti u dhashtë forcën për të përballuar këtë humbje. /CNA





Lajmet e fundit nga