web counter
LEXO PA REKLAMA!

SHKARKO APP

App Store
Google Play

Zgjedhjet e 28 dhjetorit/ LVV zgjedh Albin Kurtin si kandidat për kryeministër

26 Nëntor 2025, 19:48, Kosova & Bota CNA

Zgjedhjet e 28 dhjetorit/ LVV zgjedh Albin Kurtin si kandidat për

Këshilli i Përgjithshëm i Lëvizjes Vetëvendosje, ka zgjedhur Albin Kurtin si kandidat për kryeministër për zgjedhjet që do të mbahenn më 28 dhjetor. Bëhet me dije se gjatë votimin nuk kishte asnjë votë kundër dhe as një abstenim. Zëvendëskryetari i LVV-së, Glauk Konjufca, tha se Albin Kurti është kandidati që kërkohet edhe nga vetë populli.

“Me mençuri e transformoi VV në subjektin më të madh politik jo vetëm në Kosovë . E krijoi një sistem te qeverisjes në parimin e rritjes ekonomike. Albin Kurti ja tregoi shtetin strukturave të Serbisë në veri të vendit tonë. Albin Kurtin, sot me shumë se kurrë, e kërkon populi ynë të vazhdojë rrugën e mirë që nisi në vitin 2021. Duke propozuar atë për kryeministër i qëndrojmë besnik pritjeve që kanë vetë qytetarët tanë”, tha Konjufca.

Pas votimit, Kurti mbajti po ashtu fjalën e tij, ku u shpreh se zgjedhjet e 28 dhjetorit nuk ishin në dëshirën e tij dhe vullnetin e partisë që ai drejton. Ai ka theksuar gjatë fjalës së tij se në Kosovë nuk ka krizë financiare.  

“I nderuar që më besuat edhe një herë tjetër si kandidat për kryeministër. Jemi para zgjedhjeve të reja pa dëshirën time dhe pa vullnetin e Lëvizjes tonë. Dy herë subjektet e tjera votuan kundër Vetëvendosjes, dhe konstituimit të qeverisë. Gjendemi para zgjedhjeve të reja dhe rreziqeve të reja financiare. Nuk është situatë që e kishim menduar. Përfunduam këtu sepse këto parti, pas bllokimit për 10 muaj , krizën legale duan ta shndërrojnë në krizë sociale. Krizë financiare në vendin tonë nuk ka”, tha Kurti. /CNA





Lajmet e fundit nga