web counter
LEXO PA REKLAMA!

SHKARKO APP

App Store
Google Play

Rekord i ri emigrantësh me gomone drejt Anglisë/ OKB, kritika Britanisë së Madhe

2 Janar 2023, 09:31, Kosova & Bota CNA

Rekord i ri emigrantësh me gomone drejt Anglisë/ OKB, kritika

Më shumë se 45,000 migrantë kaluan në vitin 2022 ilegalisht nga Franca Kanalin e La Manshit për në Britaninë e Madhe. Për këtë shkak qeveria britanike do të ashpërsojë rregullat.

Duke cituar shifra nga Ministria e Brendshme e Britanisë së Madhe, agjencia britanike e lajmeve PA njoftoi se numri i personave që kaluan me varka dhe gomone Kanalin e La Manshit në vitin 2022 ishte pothuajse 46,000 vetë. Kjo shifër do të thotë rreth 17,000 vetë më shumë se një vit më parë dhe përbën një rekord si kurrë më parë.

Rekord i ri emigrantësh me gomone drejt Anglisë/ OKB, kritika

Qeveria konservatore në Londër po përpiqet t'i frenojë emigrantët ilegalë me një politikë të ashpër dëbimi. Qeveria britanike do që njerëzit që kanë hyrë ilegalisht në Britaninë e Madhe të dërgohen me avionë në Ruandë, pavarësisht nga kombësia apo origjina e tyre, dhe aty t'u jepet mundësia për të aplikuar për azil. Megjithatë edhe nëse atyre do t'u njihet atje statusi i refugjatit, për ata nuk do të ketë në asnjë mënyrë apo për asnjë rrethanë mundësi për t'u kthyer në Britaninë e Madhe.

OKB: Londra po shkel detyrimet e saj ndërkombëtare

Gjykata e Lartë e Londrës e shpalli së fundmi këtë procedurë dëbimi si parimisht të ligjshme. Megjithatë ende deri tani nuk ka pasur ndonjë fluturim avionësh me emigrantë të dëbuar për në Ruandë. Përpjekja e parë dështoi në verë për shkak të rezistencës të Gjykatës Evropiane të të Drejtave të Njeriut.

Rekord i ri emigrantësh me gomone drejt Anglisë/ OKB, kritika

Edhe Organizata e OKB-së për refugjatët UNHCR e akuzon Londrën për shkelje të detyrimeve të saj ndërkombëtare. Megjithatë kryeministri Rishi Sunak njoftoi pak para Krishtlindjeve se në vitin 2023 do të ashpërsojë më tej legjislacionin për azilin. Ky ashpërsim synon t'u bllokojë mundësinë për një procedurë të suksesshme për  azil njerëzve që hyjnë në Britaninë e Madhe ilegalisht dhe duke anashkaluar autoritetet kufitare./ DW





Lajmet e fundit nga