web counter
LEXO PA REKLAMA!

SHKARKO APP

App Store
Google Play

E fundit!

x

Rritja e numrit të të infektuarve me COVID-19 në Kinë/ OBSH kërkon të dhëna në kohë reale

31 Dhjetor 2022, 10:17, Kosova & Bota CNA
Rritja e numrit të të infektuarve me COVID-19 në Kinë/ OBSH
Foto ilustruese

Organizata Botërore e Shëndetësisë ka deklaruar se zyrtarët e Kinës duhet të ndajnë më shumë informacione në kohë reale sa i përket shifrave të COVID-19, pasi numri i të infektuarve është në rritje.

Shumë nga kufizimet e rrepta janë hequr gjatë javëve të fundit, por rastet janë rritur dhe disa vende tani po kontrollojnë udhëtarët nga Kina.

Zyrtarët e OBSH-së thonë se duan të shohin më shumë të dhëna për shtrimet në spital, pranimet në njësinë e kujdesit intensiv dhe vdekjet. Gjithashtu kërkon të dhënat mbi numrin e të vaksinuarve.

Shtetet e Bashkuara, Spanja, Franca, Koreja e Jugut, India, Italia, Japonia dhe Tajvani kanë vendosur masën për teste COVID për udhëtarët nga Kina, pasi kanë frikë nga një përhapja e virusit.

Edhe pasagjerët që mbërrijnë në Angli nga Kina do të duhet të kenë një test negativ përpara se të nisen në fluturim.

Në një deklaratë të lëshuar pas bisedimeve me zyrtarët kinezë, agjencia shëndetësore e OKB-së tha: "OBSH përsëri kërkoi ndarjen e të dhënave specifike dhe në kohë reale mbi situatën epidemiologjike dhe të dhëna për vaksinat e bëra dhe statusin e vaksinimit, veçanërisht për grupmoshat mbi 60”./ CNA.al

Marre nga BBC.





Lajmet e fundit nga