web counter
LEXO PA REKLAMA!

SHKARKO APP

App Store
Google Play

E fundit!

x

Presidentja e KE-së, në Kiev për të diskutuar mbështetjen për Ukrainën

20 Shtator 2024, 08:27, Kosova & Bota CNA
Presidentja e KE-së, në Kiev për të diskutuar
Presidentja e Komisionit Europian, Ursula von der Leyen

Presidentja e Komisionit Europian, Ursula von der Leyen, më 20 shtator po zhvillon vizitë në kryeqytetin ukrainas, Kiev, për të diskutuar mbështetjen e Europës, përgatitjet për dimër, mbrojtjen dhe përparimin sa u përket kredive të Grupit të Shtatë shteteve më të industrializuara (G7).

“Vizita ime e tetë në Kiev vjen në kohën kur nis sezoni i ngrohjes, dhe Rusia vazhdon të shënjestrojë infrastrukturën e energjisë” të Ukrainës, shkroi në "X" Von der Leyen.

Një ditë më herët, ajo tha se 160 milionë euro nga asetet e ngrira ruse do të alokohen për të përmbushur kërkesat urgjente humanitare të Ukrainës gjatë këtij dimri.

Rusia ka shkatërruar rreth 9 gigavatë të infrastrukturës së energjisë së Ukrainës, që Von der Leyen tha se janë “fuqi e barasvlershme e tri shteteve baltike”.

Presidentja e KE-së tha po ashtu se BE-ja synon të rivendosë kapacitete gjeneruese të energjisë prej 2.5 gigavatësh, gjë që sipas saj, do të rriste edhe eksportet për të furnizuar Ukrainën me 2 gigavatë energji elektrike.

Gjatë vizitës në Ukrainë, udhëheqësja europiane do të takohet me presidentin ukrainas, Volodymyr Zelensky, dhe me zyrtarë të tjerë.

Vizita e saj e tetë në Ukrainë po zhvillohet teksa forcat ukrainase që nga gushti po kryejnë një ofensivë në rajonin rus të Kurskut, dhe forcat ruse po vazhdojnë ofensivën e tyre në lindje të Ukrainës./ Rel





Lajmet e fundit nga