Presidenti Erdogan pranon mangësitë në reagimin ndaj tërmetit

8 Shkurt 2023, 15:53, Kosova & Bota CNA

Presidenti Erdogan pranon mangësitë në reagimin ndaj

Presidenti turk, Recep Tayyip Erdogan

Presidenti turk, Recep Tayyip Erdogan vizitoi për herë të parë rajonet e goditura nga një tërmet i fuqishëm që ka shkaktuar mbi 11 mijë të vdekur në Turqi dhe Siri.

Autoritet thonë se shifra mund të rritet, ndërsa ekipet e kërkim-shpëtimit po luftojnë me kohën për të gjetur të mbijetuar nën rrënojat e mijëra ndërtesave të shembura.

Një numër i madh njerëzish, që arritën to mbijetojnë tërmetit e kanë gjetur veten të pa strehë, e pashpresë.

Presidenti Erdogan e pranoi se reagimi fillestar i Turqisë kishte probleme, por tha se tashmë operacionet po zhvillohen normalisht dhe se askush nuk do të lihet në rrugë.

Momente si këto janë shpresëdhënëse.

Por çdo orë që kalon, po i zbeh shpresat se ekipet e shpëtimit do të arrijnë të gjejnë të mbijetuar të tjerë në Turqi dhe Siri.

Operacioni po sfidohen edhe nga temperaturat e ulëta. Tërmeti konsiderohet si ndërr më vdekjeprurësit në më shumë se një dekadë.

Për të tretën ditë me radhë, të mbijetuarit ndodhen në një situatë të mjerueshme. Të dëshpëruar dhe në të ftohtë, ata qëndrojnë pranë ndërtesave të shkatërruara, duke pritur lajme për familjarët e tyre të bllokuar nën rrënoja.

"Po mendoj për ata që kanë ngecur nën rrënoja. Më kanë mbetur në mendje britmat e tyre. Për dy ditë nuk arritën t’i nxjerrin. Ekipet e kërkimit u munduan t’i dëgjojnë me pajisje të posaçme, por pasi nuk dëgjuan asgjë, i lanë dhe shkuan diku tjetër”, thotë Derya, e mbijetuar e tërmetit.

"Duhet t’i largojnë njerëzit nga qytetet e goditura. Nuk mund të jetosh këtu, sidomos në këtë të ftohtë. Kemi fëmijë të vegjël. Nëse njerëzit nuk vdiqën nën rrënoja, do të vdesin nga i ftohti”, thotë Ahmeti, një i mbijetuar tjetër.

Ky është tërmeti më vdekjeprurës në Turqi nga ai i vitit 1999, kur humbën jetën 17 mijë njerëz.

Mes nervozizmit të të mbijetuarve për reagimin e ngadaltë të qeverisë turke dhe dërgimin e pamjaftueshëm të ndihmave në zonat e goditura, presidenti Recep Tayyip Erdogan vizitoi një kamp në Kahramanmaras. Shumë prej banorë kanë mbetur jashtë, në të ftohtë.

Ai e pranoi se reagimi fillestar i Turqisë kishte mangësi, por u zotua se askush nuk do të ngelet në rrugë.

"Të gjitha institucionet shtetërore janë të angazhuara. Në ditën e parë patëm disa probleme, por në ditën e dytë dhe të tretë e morën situatën nën kontroll”, tha ai.

Në maj Turqia pritet të mbajë zgjedhjet e përgjithshme. Reagimi i qeverisë turke ndaj tërmetit mund të ketë ndikim në rezultatet e zgjedhjeve.

Ndërkohë, ekipe të kërkim-shpëtimit nga disa vende të botës u kanë ardhur në ndihmë me dhjetëra mijëra punonjësve të shërbimeve të urgjencës në Turqi. Po kështu qeveri të ndryshe kanë premtuar paketa ndihme për të prekurit nga fatkeqësia natyrore.

Shkalla e shkatërrimit nga tërmeti me magnitudë 7.8 dhe pasgoditjet e tij të fuqishme është shumë e madhe edhe në Siri.

Pasojat e tërmetit shtrihen deri në zonat e izoluara nga lufta civile ku shumë banorë ende nuk kanë marrë asnjë lloj ndihme.

As Turqia dhe as Siria nuk kanë dhënë numrin e saktë të personave që rezultojnë të zhdukur.