web counter
LEXO PA REKLAMA!

SHKARKO APP

App Store
Google Play

E fundit!

x

Polonia shpall pas përmbytjeve gjendjen e katastrofës

17 Shtator 2024, 11:09, Kosova & Bota CNA

Polonia shpall pas përmbytjeve gjendjen e katastrofës

Gjendje damatike prej reshjeve dhe përmbytjeve në mjaft pjesë të Evropës qendrore dhe jugore. Mjaft veta konsiderohen të humbur.

Pas përmbytjeve të rënda Polonia shpalli gjendjen e katastrofës për zonat e përmbytura. Qeveria e Varshavës miratoi gjatë një takimi urgjent të zhvilluar të hënën edhe rregulloren përkatëse.

Gjendja e katastrofës vlen edhe për pjesë të Silezisë së Poshtme, Silezisë dhe Opoles. Në qytetin e vogël Klodzko në Silesinë e Poshtme u përmbytën rrugë të tëra. Kurse një spital në Nysa në rajonin Opole u evakuua. Kryeministri polak, Donald Tusk, premtoi ndihma për zonat e përmbytura 1 miliard zloti, 240 milionë euro. Edhe Austria ka rritur ndihmat për zonat e katastrofës në vlerë 300 milionë euro, ndihmë që mund të rritet në rast nevoje.

Polonia shpall pas përmbytjeve gjendjen e katastrofës

Të paktën 18 të vdekur prej përmbytjeve

Përveç Polonisë të prekura keq nga përmbytjet janë pjesë të Austrisë, të Rumanisë dhe Republikës Çeke. Të hënën numri i të vdekurve në të katër vendet shkoi në të paktën 18 vetë. Ende mjaft vetë konsiderohen të humbur.

Polonia shpall pas përmbytjeve gjendjen e katastrofës

Në pjesë të tëra të zonës së madhe të katastrofës, janë ende nën ujë mijëra kilomentra tokë. Rrugët dhe fushat janë përmbytur, bodrumet dhe shtëpitë janë plot, digat dhe pritat janë shkatërruar pjesërisht. Ka pasur vetëm një lehtësim të përkohshëm kur shiu ka rënë për pak orë në disa vende: meteorologët parashikuan reshje të tjera./ DW





Lajmet e fundit nga