web counter
LEXO PA REKLAMA!

SHKARKO APP

App Store
Google Play

E fundit!

x

Maqedonia e Veriut ndërpret procedurën për përdorimin e gjuhës shqipe në tabelat rrugore/ BDI: Diskriminim i qartë

15 Shtator 2024, 19:20, Kosova & Bota CNA

Maqedonia e Veriut ndërpret procedurën për përdorimin e

Bashkimi Demokratik për Integrim, partia më e madhe e shqiptarëve në Maqedoninë e Veriut, ka ngritur alarmin se është ndërprerë procedura për përdorimin e gjuhës shqipe në tabelat e sinjalistikës rrugore.

BDI-ja e konsideron këtë një “skandal” dhe “akt të qartë diskriminimi ndaj shqiptarëve”.

“Skandalet me gjuhën shqipe nuk kanë të ndalur. Ky është një hap i paprecedent dhe i dëmshëm për zbatimin e ligjit që garanton barazinë gjuhësore. Pavarësisht faktit që procesi i përzgjedhjes së kompanisë për realizimin e projektit ishte përfunduar, udhëheqësia aktuale ka vendosur të ndërpresë procedurën”, thuhet në deklaratën për mediat.

BDI ngre alarmin se këto dështime vijnë si rezultat i mungesës së legjitimitetit zgjedhor të  qeverisë.

“Bashkimi Demokratik për Integrim alarmon se këto dështime vijnë si rezultat i mungesës së legjitimitetit zgjedhor të kësaj qeverie, paaftësisë së qartë të saj për të menaxhuar procese kyçe dhe varësisë së saj nga ndikimet politike të VMRO-së”, thotë BDI-ja, duke iu referuar koalicionit të partive shqiptare, VLEN, që është pjesë e koalicionit qeverisës në Maqedoninë e Veriut./ CNA





Lajmet e fundit nga