web counter
LEXO PA REKLAMA!

SHKARKO APP

App Store
Google Play

E fundit!

x

Përplasja e trenave në Spanjë/ Shkon në 21 numri i viktimave, 73 të plagosur

19 Janar 2026, 07:25, Kosova & Bota CNA

Përplasja e trenave në Spanjë/ Shkon në 21 numri i

Ka shkuar në 21 numri i personave që humbën jetën nga përplasja e dy trenave në Kordoba të Spanjës, mbrëmjen e djeshme. Nga aksidenti u plagosën 73 të tjerë, 15 prej të cilëve janë në gjendje të rëndë.

Ministri spanjoll i Transportit, Oscar Puente, paralajmëroi nëpërmjet “X” se përplasja ishte e shumë e fortë dhe ekzistonte rreziku që numri i viktimave të ishte edhe më i madh.

Vetëm 10 minuta pas nisjes së udhëtimit, treni i nisur nga Malaga doli nga shinat për arsye të panjohura dhe goditi dy vagona të një treni në një shinë anësore që shkonte për në Huelva. Përplasja shkaktoi gjithashtu daljen nga shinat të trenit të dytë.

Një total prej 317 personash ndodheshin në të dy trenat. Shumë nga pasagjerët u detyruan të ngjiteshin në çatinë e njërit prej vagonëve për të dalë, ndërsa të tjerë thyen xhamat me çekiçë emergjence. Menjëherë pas ngjarjes ekipet e kërkim-shpëtimit shkuan në vendin e ngjarjes dhe nisën punën për të shpëtuar të bllokuarit në tren.

Kryeministri spanjoll, Pedro Sanchez, u shprehu ngushëllimet familjeve të viktimave përmes një reagimi në platformën “X”.

“Asnjë fjalë nuk mund ta lehtësojë një pikëllim kaq të madh, por dua që ju të dini se i gjithë vendi është pranë jush në këtë moment shumë të vështirë”, tha kryeministri ndër të tjera. 

Familja mbretërore spanjolle po ashtu shprehu shqetësimin e saj për aksidentin e rëndë dhe u shprehu ngushëllimet familjeve të viktimave. Ndërkohë shkaqet e aksidentit tragjik ende nuk dihen. /CNA





Lajmet e fundit nga