web counter
LEXO PA REKLAMA!

SHKARKO APP

App Store
Google Play

“Thaçit po i lejohet të flasë në ‘zoom’ me familjen”/ Kreu i OVL-UÇK-së: Ja çfarë efekti patën protestat

18 Janar 2026, 20:11, Kosova & Bota CNA

“Thaçit po i lejohet të flasë në ‘zoom’

Kryetari i Organizatës së Veteranëve të Luftës së UÇK-së, Hysni Gucati ka deklaruar se protestat e zhvilluara kundër Gjykatës Speciale kanë pasur një efekt pozitiv.

Në një intervistë për mediat në Kosovë, Gucati tha se protestat për ish-presidentin e Kosovës, Hashim Thaçin dhe ish-liderëve të UCK-së kanë sjellë ndryshime të dukshme brenda gjykatës.

“Protestat kanë pasur efektin e vet në mënyrën pozitive, ky është një informacion që e kemi marrë nga mbrojtja e grupit, Thaçi dhe të tjerët, që ka pasur efekt shumë të mirë. Dhe kanë fillu edhe disa gjëra që të kenë ndryshim të madh drastik brenda gjykatës. Thaçit po i lejohet të flasë në ‘zoom’ me familjen”, tha Gucati.

Ai uroi që procesi gjyqësor në Hagë ndaj tyre të finalizohet me një rezultat pozitiv.

“Shpresoj që në pranverën e vonshme ta festojmë lirimin e tyre”, tha ai.

Kujtojmë se protestat e thirrura nga Organizata e Veteranëve të Luftës së UÇK-së janë mbajtur në Shkup edhe në Tiranë. Qëllimi i tubimit, ishte shprehja e pakënaqësive me gjyqin ndaj ish-eprorëve të UÇK-së, Hashim Thaçi, Kadri Veseli, Jakup Krasniqi e Rexhep Selimi, në Dhomat e Specializuara të Kosovës në Hagë.

Gjyqi ndaj Thaçit, Veselit, Krasniqit dhe Selimit nisi më 2023 dhe po shkon drejt përfundimit. Që të gjithë ata i mohojnë akuzat për krime lufte dhe krime kundër njerëzimit para dhe gjatë luftës së viteve 1998–1999. /CNA





Lajmet e fundit nga