web counter
LEXO PA REKLAMA!

SHKARKO APP

App Store
Google Play

E fundit!

x

Grabitja spektakolare e Luvrit/ Mister fati i bizhuterive të çmuara, detaje nga hetimet

17 Janar 2026, 22:22, Kosova & Bota CNA

Grabitja spektakolare e Luvrit/ Mister fati i bizhuterive të çmuara,

Tetë bizhuteritë me vlerë 88 milionë euro të grabitura para pak muajsh nga Muzeu i Luvrit vijojnë ende nuk janë gjetur, ndonëse autoritetet franceze kanë arrestuar katër autorët të vjedhjes spektakolare.

"Hetimet nuk kanë dhënë asnjë të dhënë të re", tha prokurorja e Parisit, Laure Bekou, gati tre muaj pas grabitjes gjatë ditës.

Por ajo theksoi se çështja mbetet një përparësi kryesore për autoritetet.

"Qëllimi ynë kryesor mbetet rikuperimi i bizhuterive", theksoi ajo.

Prokurorja tha gjithashtu se hetuesit po i mbajnë të hapura të gjitha mundësitë në lidhje me fatin e bizhuterive të çmuara.

"Nuk kemi indikacione se bizhuteritë janë nxjerrë jashtë kufirit, megjithatë asgjë nuk mund të përjashtohet", u shpreh ajo.

Autoritetet përdorën kontakte me ndërmjetës në botën e artit dhe në nivel ndërkombëtar, në kuadër të hetimeve. Ajo tha se këto rrjete kanë mënyra për të identifikuar shenja paralajmëruese në lidhje me qarqet që pranojnë objekte të vjedhura, madje edhe jashtë vendit.

Një i dyshuar i pestë, 38 vjeç, partner i njërit prej të akuzuarve, është akuzuar për bashkëpunim, por është liruar nën mbikëqyrje gjyqësore deri në gjyq.

"Ne nuk e kemi thënë fjalën tonë të fundit. Do të duhet aq kohë sa të jetë e nevojshme", përfundoi prokurorja. /CNA





Lajmet e fundit nga