web counter
LEXO PA REKLAMA!

SHKARKO APP

App Store
Google Play

Trump kërcënon me tarifa të reja vendet që kundërshtojnë marrjen e Groenlandës

17 Janar 2026, 08:43, Kosova & Bota CNA

Trump kërcënon me tarifa të reja vendet që

Presidenti i SHBA-së, Donald Trump, ka kërcënuar se do të vendosë tarifa për vendet që nuk pajtohen me ambiciet e tij për të aneksuar Groenlandën.

Trump tha në një takim në Shtëpinë e Bardhë se ai mund të vendosë një tarifë mbi vendet nëse nuk pajtohen me marrjen e Groenlandës, e cila është një territor vetëqeverisës i kontrolluar nga Danimarka.

Ai nuk tha se cilat vende mund të goditen me tarifa të reja, ose çfarë autoriteti do të përdorte për të vendosur taksa të tilla në ndjekje të qëllimit të tij.

Së bashku me Danimarkën dhe Groenlandën, edhe vende të tjera kundërshtojnë planet e tij, dhe shumë në SHBA kanë shprehur skepticizëm në lidhje me vendimin e Trump pwr ta blerw. Ndërsa Trump fliste, një delegacion dypartiak i Kongresit po vizitonte Groenlandën për të treguar mbështetje për territorin.

Grupi prej 11 anëtarësh përfshinte republikanë që shprehën shqetësime në lidhje me thirrjet e presidentit që SHBA-të të përvetësojnë në një farë mënyre Groenlandën për arsye sigurie kombëtare. Ata u takuan me deputetë, si dhe me kryeministren daneze Mette Frederiksen dhe homologun e saj nga Groenlanda, Jens-Frederik Nielsen.

Udhëheqësi i grupit, senatori demokrat Chris Coons, tha se udhëtimi i tyre kishte për qëllim të dëgjonte vendasit dhe të sillte pikëpamjet e tyre në Uashington "për të ulur temperaturën".

Trump ka thënë se Groenlanda është jetike për sigurinë e SHBA-së dhe se Uashingtoni do ta merrte atë nw njw mwnyrw ose njw tjetwr, një referencë e dukshme për blerjen e ishullit ose marrjen e tij me forcë.

"Mund t'u vendos një tarifë vendeve nëse nuk pajtohen me Groenlandën, sepse ne kemi nevojë për Groenlandën për sigurinë kombëtare", tha Trump në takimin e së premtes në Shtëpinë e Bardhë mbi kujdesin shëndetësor rural./ CNA





Lajmet e fundit nga