web counter
LEXO PA REKLAMA!

SHKARKO APP

App Store
Google Play

E fundit!

x

Pas fitores, Trump shkon sot në Shtëpinë e Bardhë, pritet nga Biden

13 Nëntor 2024, 09:45, Kosova & Bota CNA

Pas fitores, Trump shkon sot në Shtëpinë e Bardhë, pritet

Presidenti amerikan, Joe Biden, do të mirëpresë në Shtëpinë e Bardhë republikanin Donald Trump, pas fitores të tij në zgjedhjet presidenciale amerikane të 5 nëntorit.

Takimi në Zyrën Ovale është paraparë të zhvillohet në orën 11:00, sipas kohës lokale në Uashington (ora 17:00 sipas kohës lokale në Prishtinë).

Para takimit me Bidenin, Trump është planifikuar që të takohet me udhëheqësit republikanë në Kongresin amerikan. Partia Republikane do të ketë kontrollin e Senatit dhe ka mundësi që të marrë edhe shumicën në Dhomën e Përfaqësuesve.

Biden, 81-vjeçar, e ka thirrur Trump-in, 78-vjeçar, pas zgjedhjeve për ta uruar atë për fitoren dhe e ka ftuar në takim në Shtëpinë e Bardhë.

Përderisa demokratët e kanë cilësuar Trump-in si kërcënim për demokracinë, Biden megjithatë është zotuar se do të ketë transferim paqësor të pushtetit dhe do t’u përmbahet protokolleve të zakonshme për këtë proces.

Megjithatë, kështu nuk kishte ndodhur pas zgjedhjeve presidenciale më 2020, kur Trump refuzoi të pranonte humbjen dhe nuk e kishte ftuar Biden-in për takim në Shtëpinë e Bardhë. Republikani po ashtu nuk kishte marrë pjesë në ceremoninë e inaugurimit të Biden-it./ Rel

 

 





Lajmet e fundit nga