web counter
LEXO PA REKLAMA!

SHKARKO APP

Parashikuan gabim motin/ Pushohen nga puna dy ekspertët e shërbimit meteorologjik

23 Gusht 2022, 11:14, Kosova & Bota CNA

Parashikimi i gabuar i motit i kushtoi vendin e punës dy ekspertëve më të mirë të motit në Hungari.

Të shtunën në mbrëmje ishte parashikuar të ndodhte "shfaqja më e madhe e fishekzjarreve në Europë" për të festuar Ditën e Shën Stefanit, festën kombëtare të vendit.

Rreth 40,000 fishekzjarre ishin gati për t'u hedhur nga 240 pika përgjatë një shtrirjeje 5 km të lumit Danub në Budapestin qendror, në një shfaqje që zakonisht ndiqet nga deri në dy milionë njerëz. Por shtatë orë para fillimit të planifikuar, qeveria e shtyu ngjarjen, duke përmendur parashikimet ekstreme të motit.

Për ironi të fatit atë ditë moti ishte i qetë dhe nuk kishte asnjë stuhi. Ditën e sotme ministri i Inovacionit Laszlo Palkovics shkarkoi shefat e shërbimit për shkak të parashikimeve të tyre që rezultuan të gabuara./CNA.al

 

 





Lajmet e fundit nga