web counter
LEXO PA REKLAMA!

SHKARKO APP

App Store
Google Play

Osmani kërkon heqjen e sanksioneve ndaj Kosovës/ Von der Leyen: Jo, duhet ende punë

26 Tetor 2024, 12:46, Kosova & Bota CNA
Osmani kërkon heqjen e sanksioneve ndaj Kosovës/ Von der Leyen: Jo,
Presidentja e Komisionit Evropian, Ursula von der Leyen

Presidentja e Kosovës, Vjosa Osmani ka pritur të shtunën në takim presidenten e Komisionit Evropian, Ursula von der Leyen. Kjo e fundit mbylli në Kosovë një tur takimesh në shtetet ballkanike.

Në konferencën e përbashkët, Osmani kërkoi heqjen e mënjëhershme të sanksioneve, që i konsideroi të padrejta.

"Është koha e fundit që masat e padrejta ndaj Kosovës të largohen përfundimisht. Përveç të padrejta, këto masa po dëmtojnë qytetarët dhe kanë dëmtuar procesin e dialogut duke e bërë atë tërësisht të pabalancuar, pabarabartë dhe të pakredibilitet", u shpreh ajo.

Por Ursula von der Leyen deklaroi se nevojiten edhe hapa të mëtejshëm në mënyrë që të arrihet tek heqja e sanksiineve.

“Është shumë e rëndësishme të punojmë së bashku, dhe ne kemi mirëpritur hapjen e kufirit dhe avancimin e përfaqësimit të Kosovës në CEFTA dhe pas kësaj duhet të punojmë për hapa të mëtejshëm në mënyrë që të arrijmë në një pikë ku mund të hiqen masat. Edhe kjo do të ndihmojë të binden shtetet anëtare, pasi siç e dini të gjitha shtetet anëtare duhet të jenë dakord për çdo hap. Ne të dyja jemi të përkushtuara të gjejmë hapat e nevojshëm për të arritur këto qëllime. Për mua është e rëndësishme që ta shohim Kosovën si partneren tonë dhe ta bëjmë të mundur rrugën e Kosovës drejt BE-së”, tha von der Leyen.

Kosova është e sanksioinuar që nga qershori i vitit të kaluar pas trazirave në veri me kryetarët shqiptarë – për të cilën ndërkombëtarët fajësuan Qeverinë Kurti se nuk ndërmori hapa për ta shtensionuar situatën./ CNA





Lajmet e fundit nga