web counter
LEXO PA REKLAMA!

SHKARKO APP

App Store
Google Play

Një vit luftë Hamas - Izrael/ Rreth 43 mijë viktima, rrezik për zgjerimin e konfliktit

7 Tetor 2024, 09:30, Kosova & Bota CNA

Një vit luftë Hamas - Izrael/ Rreth 43 mijë viktima, rrezik

Këtë të hënë shënohet një vit nga nisja e luftës midis Hamasit në Gaza dhe Izraelit.

Lufta rrezikon të përhapet me sulmet që janë intesifikuar në Liban. Konflikti në Lindjen e Mesme ka tronditur jo vetëm Lindjen e Mesme, por të gjithë botën, që po bën thirrje për një armëpushim.

Lufta në Gaza u shkaktua kur militantët palestinezë të Hamasit sulmuan Izraelin jugor më 7 tetor 2023, duke vrarë 1200 njerëz dhe duke marrë rreth 250 pengje, sipas të dhënave izraelite. Mbi 100 pengje mbeten të mbajtura nga Hamasi.

Sulmi i mëparsshëm ushtarak i Izraelit në Gaza ka vrarë rreth 42,000 palestinezë, sipas Ministrisë së Shëndetësisë të Gazës.

Gjatë vitit të kaluar në Rripin e Gazës, Izraeli ka bombarduar më shumë se 40,000 objektiva, ka gjetur 4,700 boshte tunelesh dhe ka shkatërruar 1,000 vende raketahedhëse, tha ushtria të hënën në përvjetorin e parë të luftës.

Izraeli tha se 726 ushtarë izraelitë ishin vrarë që nga 7 tetori 2023. Nga ata, 380 vdiqën në sulmet e 7 tetorit dhe 346 në luftimet në Gaza duke filluar nga 27 tetori 2023.

Që nga fillimi i luftës, 13,200 raketa u hodhën në Izrael nga Gaza.

Ushtria e Izraelit bëri me dije se ka vrarë më shumë se 800 "terroristë" në Liban./ CNA





Lajmet e fundit nga