“Një sherif i ri në qytet”/ Zëvendëspresidenti amerikan “shuplakë” liderëve europianë : Tërheqja nga vlerat themelore, kërcënim i brendshëm

14 Shkurt 2025, 17:39, Kosova & Bota CNA

“Një sherif i ri në qytet”/ Zëvendëspresidenti

Zëvendëspresidenti amerikan, JD Vance në një fjalim të mbajtur në Konferencën e Sigurisë në Mynih, ka thënnë se rreziku më i madh Europës nuk po i vjen as nga Rusia as nga Kina, por nga brenda kontinentit. Vancë tha se tërheqja e Europës nga vlerat tradicionale ka vënë në rrezik institucionet demokratike dhe lirinë e fjalës. Zëvendëspresidenti i akuzojës politikanët europianë se po minojnë lirinë e shprehjes dhe të drejtat themelore. Vance solli rastin e arrestimit të një britaniku për lutje pranë një klinike aborti.

Zëvendësi i Trump e quajti këtë një “kriminalizim të lutjes” dhe një sulm ndaj “lirive themelore të britanikëve fetarë”. Vance u shpreh se kontinenti europian po përballet me një krizë të brendshme, të shkaktuar nga politika e udhëheqësve të saj. Ai i paralajmëroi drejtuesit europianë se SHBA do të vazhdojë luftën për mbrojtjen e të drejtave të individëve për të shprehur mendimin e tyre, dhe nëse nuk janë dakord me pikëpamjet europiane. Refueruar presidentit Donald Trump, Vance u shpreh: Ka një sherif të ri në qytet.

Në një moment të fjalimit të tij, Vance përmendi dhe emigracinin e paligjshëm, duke kërkuar më shumë punë nga liderët europianë për ta ndaluar. Vance argumenton sxed ky emigracion ka ndikim negativ në shoqëritë europiane. Gjatë fjalës së tij zëvendësi i Trump përmendi raste ku politikanët po shkelnin të drejtat e qytetarëve, duke iu referuar ndalimirt të lirisë së shprehjes dhe kërkesa për të luftuar “dezinformimin”.

Zëvendëspresidenti Vance tha se tërheqja nga vlerat e përbashkëta me SHBA është një kërcënim i madh për Europën.“Një tërheqje nga vlerat e veta themelore është një kërcënim i brendshëm”, tha ai, duke theksuar nevojën për një qasje më të fortë dhe të vendosur në mbrojtjen e këtyre vlerave.

Vance tha se SHBA është një aleat i rëndësishëm për sigurinë e Europës, por është e nevojshme që vendet eeuropiane të financojnë më shumë për mbrojtjen e tyre, në mënyrë që të përballen me kërcënimet e përbashkëta. Vance e përfundoi fjalimin e tij duke kritikuar politikën e Bashkimit Evropian për mënyrën se si është trajtuar kriza e Ukrainës, duke aluduar se ka pasur një dështim të vazhdueshëm për të mbajtur një qëndrim të fortë ndaj agresionit rus./ CNA