web counter
LEXO PA REKLAMA!

SHKARKO APP

App Store
Google Play

E fundit!

x

Ngjarje e rëndë në Turqi/ 33-vjeçari vret shtatë persona dhe më pas veten

25 Nëntor 2024, 19:59, Kosova & Bota CNA

Ngjarje e rëndë në Turqi/ 33-vjeçari vret shtatë

Një sulmi i tmerrshëm me armë zjarri në Stamboll solli vdekjen e shtatë personave. Autori 33 vjeç, dyshohet se vrau prindërit, motrën, kushëririn dhe 3 persona të tjerë para se të vetëvritej.

Mediat turke raportojnë se pas një sherri, 33-vjeçari qëlloi me armë zjarri kundër babit të tij, nënës dhe motrës.

Babai i autorit u gjet i vrarë në vendin e ngjarjes, ndërsa nëna bashkë me motrën u transportuan në spital me plagë të rënda, por nuk arritën t’i mbijetojnë plagëve të marra dhe ndërruan jetë.

Ngjarja e pazakontë vijon edhe më tej, ku autori në rrethana ende të paqarta ka qëlluar për vdekje një kalimtar.

Para se të vetëvritej autori qëlloi me armë edhe kushëririn e tij 33 vjeç.

Autoritetet konfirmuan më pas se tre viktima të tjera ishin gjetur pranë liqenit Büyükçekmece, ku gruaja e autorit, fëmija i tij 10-vjeçar, dhe vjehrra e tij  ishin vrarë. Trupat e tyre u gjetën në zonën Tepekent.

Zyra e Guvernatorit të Stambollit zbuloi se autori kishte një histori kriminale, përfshirë akuza të lidhura me përdorimin e drogës.

Një armë zjarri dhe nëntë gëzhoja të zbrazura u gjetën në automjetin e tij. Autoritetet po vazhdojnë hetimet mbi këtë ngjarje të rëndë, raportojnë mediat turke./CNA

 





Lajmet e fundit nga