web counter
LEXO PA REKLAMA!

SHKARKO APP

App Store
Google Play

Në Barcelonë protestohet kundër rritjes së çmimeve të qirasë

24 Nëntor 2024, 11:41, Kosova & Bota CNA

Në Barcelonë protestohet kundër rritjes së çmimeve

Dhjetëra mijëra njerëz kanë dalë nëpër rrugët e Barcelonës në mbrëmjen e së shtunës me kërkesën për çmime të përballueshme të banimit.

Policia ka thënë se rreth 22.000 njerëz kanë marrë pjesë në protesta, ndërsa organizatorët kanë thënë se kanë qenë 170.000 pjesëmarrës.

Protestuesit kanë kërkuar që çmimet e qirave të përgjysmohen ka raportuar e përditshmja "El Pais".

Protestuesit kërkojnë edhe që banesat në zonat turistike të jenë të qasshme sërish për banorët e Barcelonës, kryeqytetit të rajonit të Katalonjës, në verilindje të Spanjës.

Një kërkesë tjetër e tyre ka qenë që kontratat e qirave të nënshkruhen për periudhë të pakufizuar.

“Është e papranueshme për ne që të shpenzojmë gjysmën e rrogës në qira, dhe të shpërngulemi secilën herë që na skadon kontrata”, ka thënë Carme Arcarazo, përfaqësuese e protestuesve.

Sipas gazetës "El Pais", situata është duke u bërë secilën herë e më e vështirë në tregun e Barcelonës, pasi shtëpitë e banimit po shfrytëzohen për turizëm, si dhe për shkak që të huajt po blejnë shumë prona në këtë qytet.

Në muajt e fundit, protesta të ngjashme janë mbajtur edhe në qytete e ishuj të tjerë të Spanjës. Në disa është kërkuar edhe që t’i jepet fund turizmit masiv./ Rel





Lajmet e fundit nga