web counter
LEXO PA REKLAMA!

SHKARKO APP

App Store
Google Play

Njëmbëdhjetë persona të vrarë nga sulmet e Izraelit në Bejrut

23 Nëntor 2024, 13:35, Kosova & Bota CNA
Njëmbëdhjetë persona të vrarë nga sulmet e Izraelit
Pamje të Bejrutit pas sulmeve izraelite

Një shpërthim i fuqishëm i ka vrarë 11 persona në qendër të Bejruit të shtunën, ka thënë mbrojtja civile libaneze, teksa Izraeli çon përpara ofensivën kundër Hezbollahut, grupit të mbështetur nga Irani.

Shtetet e Bashkuara e konsiderojnë Hezbollahun grup terrorist, ndërsa Bashkimi Evropian vetëm krahun e tij ushtarak, por jo atë politik.

Sulmi e ka shkatërruar një ndërtesë tetë-katëshe dhe ka shkaktuar numër të madh viktimash, ka thënë Agjencia kombëtare e lajmeve të Libanit.

Në pamjet e transmetuara në media është parë të paktën një ndërtesë e shkatërruar dhe shumë tjera të dëmtuara rëndë përreth.

Agjencia ka thënë se bombat e përdorura nga Izraeli – rreth katër sosh - kanë shkaktuar kratere nëpër terren.

Ky është thënë të jetë sulmi i katërt i Izraelit në qendër të Bejrutit këtë javë.

Izraeli ka nisur ofensivë masive kundër Hezbollahut në Liban, në shtator të këtij viti, pas gati një viti të armiqësive kufitare mes dy palëve.

Militantë të Hezbollahut kanë gjuajtur Izraelin me raketa, si shenjë solidarizimi me Hamasin – grup militant që udhëheq Gazën – të cilin e lufton Izraeli prej muajit tetor të vitit 2023.

Hamasi konsiderohet grup terrorist edhe nga SHBA-ja edhe nga Bashkimi Evropian.

Lufta në Gazë është nxitur nga sulmet e militantëve të Hamasit në tokën izraelite, duke vrarë 1.200 njerëz dhe duke marrë peng rreth 240 të tjerë.

Si pasojë e ofensivës izraelite në Gazë janë vrarë mbi 42.000 palestinezë, kryesisht gra dhe fëmijë, sipas autoriteteve shëndetësore palestineze.

Faktori ndërkombëtar ka dështuar të arrijë një armëpushim për konfliktet./ REL





Lajmet e fundit nga