E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mrekulli në Everest/ Një person gjendet gjallë pas një jave i zhdukur në mal

4 Qershor 2026, 21:54, Kosova & Bota CNA

Mrekulli në Everest/ Një person gjendet gjallë pas një jave

Një histori e jashtëzakonshme mbijetese është regjistruar në Nepal, ku një punonjës guide u gjet i gjallë në malin Everest, pasi ishte raportuar i zhdukur për gati një javë.

Sipas autoriteteve dhe organizatorëve të ekspeditave malore, Dawa Sherpa, i njohur edhe si Hillary Dawa, ishte parë për herë të fundit më 29 maj pranë Kampit III. Ai po kthehej së bashku me një alpinist polak, pasi nuk kishin arritur të ngjiteshin deri në majën e Everestit, e cila ngrihet në 8,849 metra mbi nivelin e detit.

Rrethanat e zhdukjes së tij mbeten ende të paqarta, por besohet se ai u nda nga shoku i tij diku mes Kampit III dhe Kampit IV. Kërkimet për gjetjen e tij nisën menjëherë pas raportimit të zhdukjes më 30 maj.

Lama Kazi Sherpa, përfaqësues i Komitetit për Kontrollin e Ndotjes në Sagarmatha, bëri të ditur se Dawa u lokalizua pranë bazës së malit, në zonën e rrezikshme të Akullnajës Khumbu. Ekipet e shpëtimit arritën ta nxirrnin atë në siguri.

Kreu i zyrës së kampit bazë të Everestit pranë Departamentit të Turizmit të Nepalit, Khimlal Gautam, tha se kërkimet ajrore të zhvilluara një ditë më parë nuk kishin dhënë rezultat.

Sipas autoriteteve, operacioni i kërkimit u përball me vonesa për shkak të problemeve me dokumentacionin e ekspeditës. Dawa Sherpa kishte marrë lejen e ngjitjes përmes një kompanie, ndërsa po ngjitej me një tjetër, gjë që komplikoi procedurat e shpëtimit.

Kompania nepaleze “Mount Everest Hiking” njoftoi se Sherpa kishte mbijetuar i vetëm për afro një javë pa ushqim, pa ujë dhe pa oksigjen shtesë, duke lëvizur në kushte ekstreme në Akullnajën Khumbu, edhe pasi shkallët e sigurisë të përdorura gjatë sezonit ishin hequr.

Gjatë këtij sezoni, rreth 1,000 alpinistë dhe guida kanë arritur të ngjiten në majën e Everestit. Megjithatë, të paktën pesë persona kanë humbur jetën gjatë përpjekjeve për të pushtuar malin më të lartë në botë. /CNA