web counter
LEXO PA REKLAMA!

SHKARKO APP

App Store
Google Play

E fundit!

x

Mësuesit në Rumani hyjnë në grevë/ Kërkesa për paga më të mira

22 Maj 2023, 13:27, Kosova & Bota CNA
Mësuesit në Rumani hyjnë në grevë/ Kërkesa
Foto ilustruese

Dhjetëra mijëra mësues rumunë hynë në grevë më 22 maj duke kërkuar rritje të konsiderueshme të pagave dhe duke bërë thirrje për më shumë investime në arsim.

Rreth 100,000-150,000 mësues të shkollave fillore dhe të mesme ndaluan punën, dhe kanë kërkuar që qeveria e koalicionit të përmbushë kërkesat e tyre.

Bisedimet e minutës së fundit më 21 maj midis sindikatave të mësuesve dhe qeverisë së kryeministrit Nicolae Ciuca nuk arritën një marrëveshje dhe në këtë formë dështuan përpjekjet e qeverisë për t’i rikthyer mësuesit në shkolla.

Marcel Ciolacu, nga partia PSD, që do të jetë kryeministër i ardhshëm sipas rrotacionit të vendosur nga koalicioni, dërgoi një mesazh të vonuar të premten, përmes të cilit u tregua "i gatshëm" për të diskutuar gjatë fundjavës me krerët e sindikatave "për të shmangur grevën e përgjithshme".

Ai u hodhi fajin sindikatave, duke thënë se “kjo grevë është e dëmshme jo vetëm në funksionimin e shkollave, por edhe në jetën e miliona familjeve”.

Ciolacu u përpoq të ushtronte presion mbi drejtuesit e sindikatave, duke shtuar se rumunët presin prej tyre - dhe nga politikanët - zgjidhje të qeta dhe racionale "ndërsa fëmijët e shohin paqen e tyre në shkollë".

“Ishte obligim i Qeverisë dhe i atyre që kanë role vendimmarrëse që të dalin me zgjidhje më të shpejta, siç kanë premtuar”, ka qenë përgjigjja nga tri sindikatat e arsimit të Rumanisë, të cilat organizuan grevën. Të dielën pasdite, krerët e sindikatave morën pjesë në negociatat me kryeministrin Nicolae Ciuc? dhe anëtarë të tjerë të ekzekutivit, por propozimi që iu dha nga qeveria nuk i kënaqi ata.

Kërkesa kryesore e grevistëve është një pagë fillestare për mësuesit e rinj të paktën e barabartë me mesataren e vendit.

Paga mujore e një mësuesi rumun të sapodiplomuar është pak më shumë se 520 dollarë (480 euro), ndërsa paga mesatare në vend është 988 dollarë (rreth 913 euro)./ Rel





Lajmet e fundit nga