web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e NATO-s për sigurinë/ Rubio mbërrin në Bruksel

3 Prill 2025, 12:27, Kosova & Bota CNA

Mbledhja e NATO-s për sigurinë/ Rubio mbërrin në Bruksel

Sekretari amerikan i Shtetit, Marco Rubio, mbërriti mëngjesin e sotëm në Bruksel, ku ministrat e Jashtëm të NATO-s do të takohen për të vazhduar planifikimin për Samitin e ardhshëm në Hagë dhe për të diskutuar çështje urgjente të sigurisë. Diplomatët e lartë të aleancës shpresojnë se do të hedhin dritë mbi planet e sigurisë në SHBA dhe Europë.

Aleatët europianë dhe Kanadaja janë thellësisht të shqetësuar nga situata me udhëheqësin rus Vladimir Putin, i cili e sheh NATO-n si një kërcënim, ndërsa SHBA-ja punon për të ndërmjetësuar një armëpushim në Ukrainë.

Që kur Sekretari i Mbrojtjes, Pete Hegseth, paralajmëroi muajin e kaluar se prioritetet e sigurisë së SHBA-së qëndrojnë diku tjetër, në Azi dhe në kufijtë e vetë SHBA-së, europianët kanë pritur të mësojnë se sa e madhe mund të jetë një tërheqje ushtarake në Europë dhe sa shpejt mund të ndodhë.

Këta aleatë janë të prirur të dëgjojnë nga Rubio se cilat janë synimet e administratës Trump dhe shpresojnë të sigurojnë një lloj udhërrëfyesi që përcakton se çfarë do të ndodhë më pas, në mënyrë që ata të mund të sinkronizojnë planifikimin dhe të përdorin forcat europiane për të mbyllur çdo boshllëk.

Në një deklaratë, ambasadori i sapokonfirmuar i SHBA-së në NATO, Matt Whitaker tha se nën udhëheqjen e Presidentit Trump, NATO do të jetë më e fortë dhe më efektive se kurrë më parë dhe beson se një NATO e fuqishme mund të vazhdojë të shërbejë si një themel paqeje dhe prosperiteti./CNA





Lajmet e fundit nga