web counter
LEXO PA REKLAMA!

SHKARKO APP

App Store
Google Play

Marrëveshja Rusi-Ukrainë/ I dërguari amerikan: Vihen në diskutim 5 territore kyçe

16 Prill 2025, 18:12, Kosova & Bota CNA

Marrëveshja Rusi-Ukrainë/ I dërguari amerikan: Vihen në

I dërguari i posaçëm i SHBA-së, Steve Witkoff tha se bisedimet e tij të fundit me presidentin rus Vladimir Putin ishin bindëse" dhe përqendroheshin rreth një marrëveshjeje të mundshme paqeje bazuar në statusin e pesë territoreve.

Witkoff, i cili u takua me Putinin në Shën Pjetërburg më 11 prill, e përshkroi takimin si produktiv, duke pretenduar se presidenti rus shprehu një dëshirë për një paqe të përhershme, megjithëse u desh pak kohë që ne të arrijmë në atë pikë.

"Kjo marrëveshje paqeje ka të bëjë me këto të ashtuquajtura pesë territore. Por ka shumë më tepër në të. Unë mendoj se ne mund të jemi në prag të diçkaje që do të ishte shumë e rëndësishme për botën në përgjithësi",- tha Witkoff në komentet për Fox News.

Megjithëse Witkoff nuk i përmendi drejtpërdrejt territoret, ai dukej se i referohej Krimesë, të aneksuar ilegalisht nga Rusia në 2014, dhe rajoneve të okupuara pjesërisht të Donetsk, Luhansk, Zaporizhzhia dhe Kherson. Moska shpalli aneksimin e katër rajoneve të fundit në vitin 2022.

I dërguari la të kuptohet gjithashtu për një ambicie më të gjerë strategjike të lidhur me stimujt e biznesit.

"Unë shoh një mundësi të riformësimit të marrëdhënieve Rusi-Shtetet e Bashkuara përmes disa mundësive tregtare shumë bindëse. Kjo i jep stabilitet të vërtetë edhe rajonit",-tha Witkoff./CNA





Lajmet e fundit nga