web counter
LEXO PA REKLAMA!

SHKARKO APP

App Store
Google Play

BE paralajmëron Serbinë: Bllokojmë anëtarësimin nëse Vuçiç merr pjesë në paradën ruse në Moskë

16 Prill 2025, 15:38, Kosova & Bota CNA

BE paralajmëron Serbinë: Bllokojmë anëtarësimin

Serbisë mund t’i mbyllet anëtarësimi në Bashkimin Europian nëse presidenti Aleksandar Vuçiç merr pjesë në paradën ushtarake të 9 majit në Moskë. Lajmi raportohet nga mediat e huaja, duke cituar burime brenda BE-së.

Sipas raportit, zyrtarët europianë e paralajmëruan Vuçiç-in se një vizitë në Rusi do të shkelte kushtet e pranimit të Serbisë në BE dhe do të rrezikonte ambiciet europiane të vendit.

Më herët ishte raportuar se Vuçiç ishte në mesin e udhëheqësve të huaj që pritej të paraqitej në festimin e Rusisë.

"Rezultati i një vizite të mundshme të Vuçiç-it në Moskë është përjashtimi i Serbisë nga Bashkimi Europian. Rusët nuk po kursejnë asnjë përpjekje për të përfshirë njerëzit në paradë. Për ne do të jetë një provë lakmuesi. Në fund të fundit, ne po vlerësojmë nëse ata qëndrojnë në anën tonë apo luajnë për një ekip tjetër",-mësohet të jetë thënë për këtë vendim.

Përfaqësuesja e Lartë e BE-së për Politikë të Jashtme dhe Siguri, Kaja Kallas, ka thënë më herët se kjo çështje është diskutuar në takimin më të fundit të ministrave të jashtëm të BE-së.

“Ajo që u bë shumë e qartë nga shtete të ndryshme anëtare është se çdo pjesëmarrje në festimet e 9 majit të Moskës nuk do të miratohet nga pala europiane, duke pasur parasysh se Rusia po bën një luftë në shkallë të gjerë në Europë”,-tha Kallas.

Ajo paralajmëroi gjithashtu qeveritë e tjera anëtare të BE-së kundër dërgimit të delegacioneve në këtë ngjarje./CNA

 





Lajmet e fundit nga