web counter
LEXO PA REKLAMA!

SHKARKO APP

App Store
Google Play

E fundit!

x

Macron kërcënon Kinën: Tarifa të reja nëse Pekini nuk zvogëlon suficitin tregtar me BE-në

7 Dhjetor 2025, 17:06, Kosova & Bota CNA

Macron kërcënon Kinën: Tarifa të reja nëse Pekini nuk

Presidenti francez Emmanuel Macron tha se e ka kërcënuar Kinën me tarifa nëse Pekini nuk ndërmerr hapa për të zvogëluar suficitin e saj masiv tregtar me BE-në, në komentet e publikuara të dielën, më 7 dhjetor.

"U thashë atyre se nëse nuk reagojnë, ne europianët do të detyrohemi të marrim masa të forta në muajt e ardhshëm Masa të tilla mund të modelohen sipas hapave të ndërmarrë nga Shtetet e Bashkuara, tha ai, "siç janë tarifat për produktet kineze, për shembull”,- tha Macron për të përditshmen e biznesit ‘Les Echos’, pasi u kthye nga një vizitë shtetërore në Kinë.

Deficiti tregtar i BE-së me Kinën, ekonomia e dytë më e madhe në botë pas Shteteve të Bashkuara,  tejkaloi 300 miliardë euro në vitin 2024 dhe 27 anëtarët e Bashkimit Europian nuk mund të përcaktojnë politikat tregtare, përfshirë tarifat, individualisht, por në vend të kësaj përfaqësohen nga Komisioni i BE-së.

Gjatë vizitës së tij në Kinë, Macron tha se BE-ja duhet të pranojë më shumë investime direkte kineze si pjesë e përpjekjeve për të zvogëluar deficitin tregtar.

“Nuk mund të importojmë gjithmonë, kompanitë kineze duhet të vijnë në Europë. Bizneset kineze nuk mund të lejohen të veprojnë si "grabitqarë" me "objektiva hegjemonike". BE-ja të kombinojë mbrojtjen për sektorët e saj më të prekshëm, siç është industria e makinave, me një nxitje të konkurrueshmërisë”,-tha Macron./CNA





Lajmet e fundit nga