web counter
LEXO PA REKLAMA!

SHKARKO APP

App Store
Google Play

E fundit!

x

Kishte destinacion Belgjikën/ Sekuestrohen mbi 3 ton kokainë në Peru

7 Dhjetor 2025, 15:13, Kosova & Bota CNA

Kishte destinacion Belgjikën/ Sekuestrohen mbi 3 ton kokainë në

Policia antidrogë e Perusë ka sekuestruar 3.4 ton kokainë që dyshohet se ishte fshehur në një ngarkesë bananesh me destinacion Belgjikën. 

“Si pjesë e një operacioni të fuqishëm kundër trafikimit të drogës, Policia Kombëtare Peruiane sekuestroi 3,407 kilogramë kokainë në rajonin Piura (në Perunë veriperëndimore), duke parandaluar kështu dërgimin e saj jashtë vendit", njoftoi Ministria e Brendshme në një deklaratë.

Gjenerali Nilton Santos, kreu i agjencisë antidrogë, tha se operacioni u krye me ndihmën e Agjencisë Amerikane të Zbatimit të Ligjit për Drogën (DEA).

Ai bëri me dije se vlera e drogës së sekuestruar i tejkalon 68 milionë dollarë (rreth 58.4 milionë euro). Sipas një deklarate nga presidenca peruane, pas kësaj ngarkese qëndron një organizatë kriminale e qytetarëve peruanë, kolumbianë dhe evropianë , e cila kishte për qëllim dërgimin e drogës në Belgjikë.

Sipas OKB-së, Peruja, së bashku me Kolumbinë dhe Bolivinë, është ndër prodhuesit kryesorë të kokainës në botë. Sipas autoriteteve peruane, vendi thuhet se prodhon rreth 400 ton drogë çdo vit. /CNA





Lajmet e fundit nga