Lufta në Ukrainë/ SHBA do të dërgojë miliona dollarë ndihmë ushtarake

23 Qershor 2022, 19:39, Kosova & Bota CNA
Lufta në Ukrainë/ SHBA do të dërgojë miliona
Foto ilustruese

Shtetet e Bashkuara të Amerikës pritet që të dërgojnë 450 milionë dollarë ndihmë ushtarake shtesë për Ukrainën. Në këtë paketë përfshihen akoma më shumë sisteme raketash artilerie të lëvizshmërisë së lartë, kanë thënë dy zyrtarë për "Reuters".

Kujtojmë se disa ditë më parë Shtetet e Bashkuara të Amerikës ofruan 1 miliard dollarë ndihmë ushtarake për Ukrainën. Paketa përfshinte artileri shtesë dhe armë të mbrojtjes bregdetare, si dhe municione për artilerinë dhe sistemet e avancuara të raketave.

Ndërsa njoftonte paketën, Joe Biden tha se i kishte konfirmuar homologut ukrainas Volodimir Zelenski angazhimin e SHBA-së për t’i qëndruar në krah Ukrainës “ndërsa ajo mbron demokracinë, sovranitetin dhe integritetin e saj territorial përballë agresionit të paprovokuar rus”./CNA.al

Lajmet e fundit nga