web counter
LEXO PA REKLAMA!

SHKARKO APP

App Store
Google Play

E fundit!

x

Lituania instalon të ashtuquajturit “dhëmbë dragoi” në kufirin me Rusinë

31 Gusht 2025, 18:29, Kosova & Bota CNA

Lituania instalon të ashtuquajturit “dhëmbë dragoi”

Lituania ka përfunduar instalimin e të ashtuquajturve "dhëmbë dragoi" në kufirin e saj me enklavën ruse të Kaliningradit, njoftoi Ministria e Mbrojtjes e Lituanisë.

“Po fillojmë nga niveli taktik, pengesa specifike në kufi dhe më vonë do ta kombinojmë të gjithë planin inxhinierik në një sistem konceptual”,- tha Raimundas Vaiksnoras, komandant i ushtrisë lituaneze.

Ky është hapi i fundit në një sërë masash mbrojtëse të ndërmarra nga vendi baltik për të penguar agresionin rus.

“Ky është një hap paraprak që synon të sigurojë mbrojtje më efektive”,- deklaroi Ministria e Mbrojtjes e Lituanisë në një postim në ‘X’.

Tre shtetet baltike, Lituania, Letonia dhe Estonia, janë anëtarë të NATO-s dhe kufizohen me Rusinë. Lituania dhe Letonia gjithashtu kufizohen me Bjellorusinë, një aleat i ngushtë i Moskës. Të tre vendet e kanë rritur gjendjen e gatishmërisë për shkak të kërcënimit të pushtimit rus që nga shpërthimi i luftës në Ukrainë në vitin 2022.

Ushtria lituaneze po përpiqet të kufizojë mundësinë e përdorimit të rrugëve të papërdorura që lidhin vendin me Rusinë për të zvogëluar rrezikun e një pushtimi tokësor.

Pengesa të reja janë ngritur gjithashtu në pikat kufitare të papërdorura me Bjellorusinë, Sumskas, Lavoriski, Raigardas dhe Latezeris dhe në pikën kufitare Romaniskes me Kaliningradin./CNA





Lajmet e fundit nga