web counter
LEXO PA REKLAMA!

SHKARKO APP

App Store
Google Play

E fundit!

x

Lista e kuqe/ Mijëra bimë dhe kafshë të rrezikuara në Evropë

10 Nëntor 2023, 09:07, Kosova & Bota CNA
Lista e kuqe/ Mijëra bimë dhe kafshë të rrezikuara në
Foto ilustruese

Nga 14,669 lloje të bimëve dhe kafshëve që janë në Evropë, të përfshira në Listën e Kuqe të Llojeve të Kërcënuara të Bashkimit Ndërkombëtar për Ruajtjen e Natyrës, një e pesta e tyre janë në rrezik të zhdukjes. 

Në studimin e publikuar të mërkurën në revistën Plos One nënvizohet se kërcënimi më i madh për rënien e biodiversitetit të Evropës janë ndryshimet në përdorimin e tokës bujqësore, që po bën që kafshët e egra të humbasin habitatin natyror dhe të varfërojnë burimet biologjike.

“Ne menduam se do të ishte mirë të kombinonim të gjitha këto të dhëna dhe të shohim se cilat janë kërcënimet kryesore, ku janë rajonet ku ndodhin speciet më të kërcënuara, sepse vetëm nëse i dimë kërcënimet, mund të bëjmë diçka për të”, tha drejtuesi i studimit, Axel Hochkirch, Shef i Departamentit të Ekologjisë në Muzeun Kombëtar të Historisë Natyrore në Luksemburg.

Lista e Kuqe e Bashkimit Ndërkombëtar për Ruajtjen e Natyrës konsiderohet si burimi më i plotë i të dhënave në botë për speciet e rrezikuara. Disa mijëra specie në Kontinentin e Vjetër që janë në Listën e Kuqe përbëjnë pothuajse 10 për qind të biodiversitetit të Evropës. 

]"Një nga gjetjet më interesante është se bimët dhe jovertebrorët janë më të rrezikuar se kurrizorët," i tha CNN Gerardo Ceballos, një profesor në Institutin e Ekologjisë në Universitetin Kombëtar Autonom të Meksikës dhe një nga ekologët kryesorë në botë./CNA





Lajmet e fundit nga