web counter
LEXO PA REKLAMA!

SHKARKO APP

App Store
Google Play

Kurti "godet" Prokurorinë Speciale/ “5 vjet pa rezultat, sillni kriminelët para drejtësisë”

31 Maj 2024, 13:36, Kosova & Bota CNA
Kurti "godet" Prokurorinë Speciale/ “5 vjet pa rezultat,
Kryeministri Albin Kurti

Kryeministri Albin Kurti ka goditur sërish Prokurorinë Speciale për punën e saj në ndjekjen penale dhe gjykimin e kriminelëve të luftës edhe në mungesë të tyre.

Kurti ka thënë se aktakuzat e ngritura për gjykim në mungesë për krimet e luftës “mund të numërohen me gishta”. Sipas tij, Prokuroria Speciale duhet të jetë më aktive dhe efikase që të sjellë kriminelët para drejtësisë.

“Në përpjekjet tona për drejtësi për viktimat e luftës së viteve 1998-1999, adresimi i krimeve të Serbisë të kryera në Kosovë duhet të jetë prioritet. Nga të gjitha masakrat ka dëshmitarë dhe dëshmi, të cilat Prokuroria do të duhej t’i kthej në dosje provash për aktakuza për krime lufte. Republikës dhe popullit i duhen prokurorë aktivë e të mençur, dhe gjykatës efikasë e të ditur, të sjellin para drejtësisë të gjithë ata që janë përgjegjës për krimet e kryera gjatë luftës. Qeveria ka rritur buxhetin, ndaj bëjmë thirrje që Këshilli Prokurorial urgjentisht të rrisë kapacitetet për adresim të krimeve të luftës”, ka shkruar Kurti në rrjetet sociale.

Nuk është hera e parë që Kurti kritikon Prokurorinë Speciale. Disa herë ai ka drejtuar kritika ndaj kësaj prokurorie, po ashtu edhe ndaj Kryeprokurorit Blerim Isufaj. Kritikat e tij kanë qenë edhe për trajtimin e sulmit terrorist në Banjskë./ CNA





Lajmet e fundit nga