web counter
LEXO PA REKLAMA!

SHKARKO APP

App Store
Google Play

Kosovë/ KQZ pranon kërkesat për shkarkimin e kryetarëve të tri komunave veriore

13 Dhjetor 2023, 16:45, Kosova & Bota CNA
Kosovë/ KQZ pranon kërkesat për shkarkimin e kryetarëve
Valmir Elezi

Komisioni Qendror i Zgjedhjeve në Kosovë ka pranuar kërkesat për shkarkimin e kryetarëve të tri komunave veriore.

Zëdhënësi i KQZ-së, Valmir Elezi në një deklaratë për mediat bëri të ditur lajmin në fjalë.

Kërkesat u pranuan nga grupe nismëtarësh të cilët iniciuan procedurën për largimin e kryetarevë të komunave nga funksioni.

“Komisioni Qendror i Zgjedhjeve ka pranuar në adresën zyrtare tri kërkesa të ndara nga Kryesuesit e Kuvendeve Komunale për Leposaviç, Mitrovicë e Veriut dhe Zubin Potok. Përmbajtja e këtyre tri kërkesave është e njëjtë. Së pari, të tre Kryesuesit e Kuvendeve Komunale kanë kërkuar nga KQZ, që t’i ofrojmë informatat zyrtare për anëtarët e grupit iniciues se a janë votues të komunave përkatëse. Së dyti, të njëjtit kanë kërkuar që t’i ofrojmë informatat lidhur me numrin e përditësuar të votuesve të regjistruar në këto komuna, mbi bazën e të cilit përllogaritet numri minimal i nevojshëm i nënshkrimeve prej 20%.

Mund t’iu konfirmoj se këto kërkesa janë duke u trajtuar dhe brenda afatit 5 ditor do të përgjigjemi. Për këto përgjigje, do të bashkëpunojmë edhe me Agjencinë për Regjistrimin Civil pasi lista votuese buron nga ekstrakti i Regjistrit Qendror Civil.”, tha Elezi në deklaratë për mediat./ CNA





Lajmet e fundit nga