web counter
LEXO PA REKLAMA!

SHKARKO APP

App Store
Google Play

E fundit!

x

Asambleja Parlamentare e KiE voton pro anëtarësimit të Kosovës

16 Prill 2024, 20:08, Kosova & Bota CNA
Asambleja Parlamentare e KiE voton pro anëtarësimit të
Asambleja Parlamentare e Këshillit të Europës

Asambleja Parlamentare e Këshillit të Europës është shprehur me votë, pro anëtarësimit të Kosovës në KiE.

Në seancën e Asamblesë Parlamentare të KiE-së ku u diskutua ditën e sotme, lidhur me raportin për anëtarësimin ose jo të Kosovës në këtë organizatë, në përfundim të kësaj seance Asambleja ka miratuar me 131 vota pro dhe 29 vota kundër, raportin e deputetes Dora Bakojanis.

Raportuesja për Kosovën në Këshillin e Evropës, Dora Bakojanis, në fjalimin e saj para Asamblesë u shpreh se Kosova është demokraci funksionale me garanci të forta për pavarësinë e gjyqësorit dhe të drejta themelore të njeriut.

Bakojanis theksoi se zgjerimi i juridiksionit të Gjykatës Evropiane do të kontribuonte në të drejtat e njeriut.

Bakojanis ishte optimiste se Asambleja do rekomandojë që Kosova të ftohet të bëhet anëtare.

"Në bazë të faktorëve të përmendur, mendim i imi është që Asambleja Parlamentare do t'i rekomandojë Komitetit të Ministrave që të ftojë Kosovën të bëhet anëtare e Këshillit të Evropës. Shpresoj që sot Asambleja do ta nënvizoj nevojën për ta sjellë në ombrellën demokratike të Këshillit të Evropës, dy milionë evropianë të tjerë për t’i mbrojtur ata nga shkeljet".

Ajo ka ftuar shtetet që e kundërshtojnë anëtarësimin e Kosovës, të qëndrojnë anash dhe të mos e shohin këtë çështje si çështje të shtetësisë.

Bakojanis theksoi se marrëveshja e fundit e Ohrit ndërmjet Kosovës dhe Serbisë thotë se "çdo lloj negociate për këtë marrëveshje, duhet të bëhet në kuadër të dialogut të lehtësuar nga BE-ja./ CNA





Lajmet e fundit nga