web counter
LEXO PA REKLAMA!

SHKARKO APP

App Store
Google Play

E fundit!

x

Kancelari Merz: E diela mund të jetë një ditë historike për Lindjen e Mesme

9 Tetor 2025, 22:56, Kosova & Bota CNA

Kancelari Merz: E diela mund të jetë një ditë historike

Kancelari gjerman Friedrich Merz deklaroi sot në një intervistë me transmetuesin gjerman ‘ARD’ se e diela e ardhshme mund të jetë një ditë historike për Lindjen e Mesme.

Merz iu referua perspektivës së lirimit të pengjeve të mbajtura nga Hamasi dhe përfundimit të konfliktit të armatosur në Gaza.

Kancelari shprehu gjithashtu shpresën se një qetësi e brendshme mund të kthehet në Gjermani, ndërsa shprehu gatishmërinë e Berlinit për të kontribuar në rindërtimin e Gazës.

“Marrëveshja ende duhet të miratohet nga kabineti izraelit dhe më pas pengjet duhet të lirohen brenda 72 orëve. Pastaj Izraeli do të tërheqë trupat e tij nga një pjesë e madhe e Rripit të Gazës. Mbi të gjitha, shpresoj që qytetarët hebrenj të ndihen përsëri më të sigurt, që këto incidente të papranueshme antisemite të jenë gjithashtu një gjë e së kaluarës ose të paktën dukshëm më pak. Nuk ka më asnjë arsye për të protestuar për palestinezët në Gjermani”,-theksoi kancelari.

Merz tha Gjermania do të bashkëkryesojë konferencën për rindërtimin e Gazës me Egjiptin.

“Rindertimi  fillon shumë thjeshtë, me ngritjen e tendave atje, në mënyrë që njerëzit të kenë kushtet më themelore sanitare për të jetuar një jetë disi njerëzore”,-tha Merz./CNA





Lajmet e fundit nga