web counter
LEXO PA REKLAMA!

SHKARKO APP

App Store
Google Play

E fundit!

x

Raporti i Ministrisë së Mbrojtjes në Tajvan: Kina është gati për sulm

9 Tetor 2025, 20:46, Kosova & Bota CNA

Raporti i Ministrisë së Mbrojtjes në Tajvan: Kina është

Ministria e Mbrojtjes e Tajvanit thotë në një raport se Pekini po përdor lojëra lufte dhe patrulla për të forcuar përpjekjet ushtarake dhe ato online për të përhapur dezinformim.

“Kina po tregohet gjithnjë e më agresive me aktivitetet e saj rreth Tajvanit në mënyrë që të dobësojë besimin e qytetarëve tek qeveria. Komunistët kinezë kanë miratuar taktika ngacmimi në zonën gri, të kombinuara me patrulla të përbashkëta gatishmërie luftarake dhe ushtrime ushtarake të përqëndruara, duke paraqitur një kërcënim gjithëpërfshirës për ne.

Ndërsa në internet, Kina po përdor mjete të inteligjencës artificiale për të dobësuar sigurinë tonë dhe po punëson një ushtri kibernetike profesionale për të përhapur dezinformimin dhe shkaktuar mosmarrëveshje midis nesh”, thuhet në raportin e ministrisë.

Raporti hartohet çdo dy vjet dhe tregon përpjekjet e Kinës për të destabilizuar ishullin që kinezët e konsiderojnë si pjesë të territorit të tyre.

Ndër operacionet kineze të raportuara më parë këtë vit ishin një ushtrim me armë zjarri në brigjet e qytetit portual tajvanez Kaohsiung, ushtrime zbarkimi në Detin e Kinës Jugore dhe një seri fluturimesh në Ngushticën e Tajvanit.

Nga ana e tij, Tajvani e ka ashpërsuar gjuhën e tij ndaj Kinës këtë vit. Presidenti Lai Ching-te në mars e quajti Pekinin “një forcë të huaj armiqësore që synon të pushtojë ishullin.”

Stërvitjet ushtarake të Tajvanit u zgjeruan këtë vit dhe përfshinë simulimin e një përgjigjeje ndaj një pushtimi të koordinuar detar dhe tokësor të Ishujve Penghu./CNA





Lajmet e fundit nga